Ruremesha yerekeje muri Gicumbi FC

Ruremesha Emmanuel umutoza mushya wa Gicumbi FC azajya ahembwa ibihumbi Magana atandatu na mirongo itanu by’amafaranga y’u Rwanda buri kwezi ndetse yishyuriwe n’ umusoro.

Dukuzimana Antoine, Umunyamabanga Mukuru akaba n’umuvugizi wa Gicumbi FC, yatangarije Izuba Rirashe ko umutoza w’iyo kipe azajya ahembwa ibihumbi 650 by’amafaranga y’u Rwanda buri kwezi.

Antoine yagize ati “Ruremesha tuzamuhemba ibihumbi 650 buri kwezi, ni amafaranga azajya afata havuyeho umusoro, kuko imisoro tuzawumutangira”.Uwo mutoza azajya abona agahimbazamusyi kangana n’ibihumbi 60.

Umuvugizi wa Gicumbi FC avuga ko icyo bagiye gufasha uwo mutoza ari uburyo yabona abakinnyi yifuzaga kandi bumvikanyeho kugira ngo atangire kwitegura shampiyona.Dukuzimana yagize ati ” ikigiye gukurikiraho ni ugushaka abakinnyi bazadufasha mu mwaka utaha, kuko ibindi twamaze kubyumvikana byose.

Ikipe ya Gicumbi FC izongera ingengo y’imari ikagera kuri miliyoni 80, ivuye kuri miliyoni 60 kugira ngo bizayifashe kwitwara neza bagura abakinnyi n’ibindi bikenerwa. Kuva uyu mutoza yabona iyi mirimo ntabwo yigeze aboneka ku murongo wa telefone ngo avuge ibyo muri iyo kipe ya Giccumbi FC.

ruremesha

Ruremesha Emmanuel umutoza ugiye gutoza ikipe ya Gicumbi FC yahawe amasezerano y’umwaka avuye muri Espoir yo mu Karere ka Rusizi.

Ubuyobozi bw’ikipe ya Gicumbi FC bwasabye Ruremesha kuba yabageza ku mwanya 6 muri shampiyona byibura, kandi agafasha iyo kipe kugera muri ¼ mu gikombe cy’Amahoro.Gicumbi FC mu mwaka ushize wa shampiyona yatozwaga na Kayiranga Jean Baptiste wamaze gusezera muri iyo kipe akaba yarerekeje muri Mukura Victory Sports.Muri Shampiyona yo mu mwaka ushize Gicumbi FC yarangije iri ku mwanya wa 9.

Ikipe ya Gicumbi FC yagiye muri shampiyona y’icyiciro cya mbere ivuye mu cya kabiri mu mwaka 2012/2013.

Amakuru agera kuri RwandaSport.com aremeza ko Ruremesha yakurikiye ahari agatubutse dore ko muri Espoir FC yahabwaga hagati y’ ibihumbi 350 na 450 nayo akayabona nta nkuru yo kubarwa

 

Tanga igitekerezo na Facebook

One thought on “Ruremesha yerekeje muri Gicumbi FC

  • 19/07/2014 at 05:39
    Permalink

    It was hard for me to find your website in google search results.
    I found it on 18 spot, you have to build some quality backlinks ,
    it will help you to increase traffic. I know how to help you, just search in google – k2 seo tips

    Reply

Tanga igitekerezo