Rurageretse hagati ya Flamengo FC y’i Burundi na APR FC

Yanditswe na Admin ku wa 17.12.2014 saa 11:25 | Yasuwe : 945

Ikipe ya Flamengo FC y’i Burundi irashinja ikipe ya APR FC yo mu Rwanda   uburiganya na ruswa ku igurwa ry’umukinnyi Yannick Bukebuke wabakiniraga.

Ku itariki ya 12 Ukuboza 2014 nibwo Flamingo FC  yandikiye ibaruwa umunyamabanga mukuru w’ ishyirahamwe ry’ umupira w’ amaguru mu gihugu cy’ u Burundi iburana ku kuba harabayeho guhimba impapuro zerekana ko Bukebuke Yannick yavuye mu ikipe ya Club Etoile de Dieu

Nkuko iyo baruwa ibivuga ivuga ko Bukebuke Hassan bita Matata se wa Bukebuke Yannick afatinyije na Oncle we ndetse n’ ubuyobozi bwa Club Etoile de Dieu bagerageje guhimba impapuro kugirango babashe kumugurisha muri APR FC.

flamengoapr4
Iyi niyo baruwa Flamengo fc  yandikiye ubuyobozi bwa FFB, ishyirahmwe ry’ umupira w’ amaguru mu gihugu cy’ u Burundi yerekana ko Bukebuke Yannick yakoresheje impapuro mpimbano

Muri iyi baruwa, Flamingo ivuga ko barebye ibaruwa yohererejwe FERWAFA, ivuga ko Bukebuke Yannick yakuriye mu ikipe ya Club Etoile de Dieu ariko akaba yaraherukaga gukinira Flamingo, basanga ari uburiganya, ubwesikoro na ruswa kuko habayeho guhimba impapuro

Kuri uyu wa 16 Ukuboza 2014 umunyamabanga mukuru wa Flamengo FC Jules Cesar  yagize icyo atangaza kuri iyi  nkuru ko APR FC yakoresheje uburiganya ndetse ngo itanga na ruswa kugirango ibone ibyangombwa by’umukinnyi Yannick Bukebuke.

Yagize ati “Bukebuke yadukiniye kuva mu mwaka wa 2008 kugeza 2013 sinumva uburyo ari gukina mu Rwanda nta byangombwa twamuhaye nk’umukinnyi wacu.”

Jules Cesar avuga ko ubwo uyu mwaka wa shampiyona watangiraga se wa Yannick witwa Hassan Bukebuke yagiye kureba ubuyobozi bw’ikipe ya  Flamengo abubwira ko yaboneye ikipe umuhungu we mu Rwanda.

Bukebuke

Bukebuke Yannick ni uwo wamabaye nimero 32 .

Jules Cesar avuga ko icyo gihe abayobozi ba Flamengo bamubwiye ko yabwira ikipe ya APR FC ikanyura mu nzira zisanzwe ikagura uyu mukinnyi wakiniraga Flamengo.

Yannick Bukebuke ubu ukina muri APR FC kuva hagati muri uyu mwaka, amaze gukina umukino umwe wemewe muri APR FC nk’umukinnyi wavuye muri Centre Etoile de Dieu y’i Burundi yigisha umupira.

Jules Cesar avuga ko umubyeyi w’uyu mwana afatanyije na APR FC ngo bashatse ibyangombwa kuri iriya centre baciye kuri Perezida w’iyo centre.

Ati “twarabimenye ko habayeho amanyanga na ruswa kugirango babone ibyangombwa gusa twagiye kubibwira ishyirahamwe ry’umupira w’amaguru mu gihgu cyacu ndetse nabo bahita bandikira iryo mu Rwanda, uyu munsi ku wa kabiri (tariki ya 16 Ukuboza) turaza kureba igisubizo cyacu mu Rwanda


Jules Cesar avuga ko nta kuntu umukinnyi yamara imyaka itandatu (kuva 2008 -2013) akina mu cyiciro cya mbere kandi akinira ku byangombwa (Licence) by’ikipe ya Flamengo maze ngo indi kipe (APR FC) ikamutwarwa Flamengo itabizi.

Umunyamabanga wa Flamengo yemera koko ko Yannick Bukebuke yaciye muri centre Etoile de Dieu akiri muto, ariko ko yaje muri Flamengo mu nzira zisobanutse.


flamengoapr
Ati “Koko yarahanyuze ariko kugira ngo tumwemerere kwinjira muri Flamengo twabanje gutuma umubyeyi we icyemezo kigaragaza ko atakiri umukinnyi wa Etoile de Dieu hari mu 2008, itegeko icyo gihe rivuga ko abaye uwacu, sinumva rero impamvu yaba ariyo (Centre) igurisha umukinnyi tumaranye imyaka itandatu.”


flamengoapr1
Amaze gukurira mu ikipe ya Flamengo bamuhaye Licence atangira gukina mu bakuru


flamengoapr2

Urundi ruhande rwa Licence ye muri Flamengo rugaragaza ko yabasinyiye no mu 2014

Kalisa Adolphe ukunze kwitwa Camarade, umunyamabanga mukuru w’ikipe ya APR FC, Umunyamakuru amubajije kuri iki kibazo, nawe yamubajije.

Ati “ Ndashaka nanjye kukubaza ubu uri umunyamakuru wa 26 umbajije iki kibazo ubundi mwebwe murabavugizi b’amakipe yo mu gihugu cy’uburundi? Ese ubundi muba mwabuze inkuru mwandika zindi ziteza imbere umupira w’amaguru? Kuburyo mwaduhamagara ngo kanaka yababwiye? ”

Ikindi nagirango nkubwire ko twe nk’APR FC ntaruhare tugira mu bijyanye no gushaka ibyangombwa kuri Transfert international ahubwo twe twumvikana n’umukinnyi ubundi tugasaba FERWAFA ko ariyo yatwakira ibyangombwa.Naho niba aramanyanga ahubwo abo niba bashaka kuyakora kandi niba byarabababaje bazajye  kuturega muri FIFA cyangwa muri l’ONU.”


flamengoapr3
Mu Ugushyingo 2014 Flamengo yandikiye FERWAFA imenyesha ikibazo cy’abakinnyi bayo bakina mu Rwanda itabizi, inatanga imiburo kuri Yannick Bukebuke wari uri muri APR FC


Muri FERWAFA igarukwaho n’impande zombi, Dr Musa Hakizimana umuvugizi wayo, yemeza ko koko iyo ikipe imaze kumvikana n’umukinnyi ikipe ibandikira FERWAFA nayo ikandikira federasiyo y’igihugu ishakamo umukinnyi ibasaba ibyangombwa by’uwo mukinnyi.Hakizimana avuga ko APR FC yabasabye kwaka ibyangombwa by’uyu mukinnyi i Burundi.
Agira ati “Ariko bishoboka ko APR itari yumvikanye neza n’ikipe uyu mukinnyi yaturutsemo cyangwa itarabahaye amafaranga bumvikanye.”
Impamvu ngo ni uko ubu mu bunyamabanga bwa FERWAFA bakiriye ikirego cy’ikipe ya Flamengo, ndetse ko ubunyamabanga bwa APR FC bwatumijwe na FERWAFA ngo bubitangeho ibisobanuro.
Musa Hakizimana yongeyeho ko nibamara kumva ubusobanuro bw’ikipe ya APR FC batanga amakuru arambuye kuri iki kibazo.
Source : Inyarwanda, Umuseke

Tanga igitekerezo na Facebook

Tanga igitekerezo