Rubasha Yves ukina muri USA yiyongereye mu mavubi U23

Yanditswe na Rwanda Football ku wa 20.04.2015 saa 11:57 | Yasuwe : 972

Umunyarwanda Yves Rubasha ukinira ikipe ya Portland Timbers y’abatarengeje imyaka 23 muri Leta Zunze Ubumwe z’Amerika (USA) yiyongeye mu bakinyi bakina hanze y’u Rwanda bahamagawe n’umutoza Jonathan McKinstry w’ikipe y’igihugu .

Ikipe y’abaterengeje imyaka 23 igizwe n’abakinyi 25 yatangiye imyitozo kuri uyu wa mbere yitegura umukino uzayihuza n’igihugu cya Somalia mu majonjora y’igikombe cy’Afurika azabera mu gihugu cya Senegal mu kwezi kwa cumi n’abiri.

Rubasha, ufite imyaka 18 aje yiyongera ku bakinyi babiri barimo Salomon Nirisarike (VV St Truiden-Belgium) na Bon Fils Kabanda (ASD Sangiovannese-Italy) bakina hanze y’u Rwanda.

yves_rubasharu

Rubasha ukina mu abinyuma mu kipe ya Portland Timbers y’abatarengeje imyaka 23, bitteganyijwe ko agera mu Rwanda kuri uyu wa kabiri n’indege ya KLM saa tatu.

Nirisarike na Kabanda bo baragera mu Rwanda kuri uyu wa mbere n’indege ya SN Brussels, bazakora n’abandi imyitozo kuwa kabiri mugitondo.

Amavubi yabatarengeje imyaka 23 arakina imikino ibiri na Somalia mu gushaka itike yo kwerekeza mu mikino nyafurika izabera muri Senegal.

 

 

Tanga igitekerezo na Facebook

Tanga igitekerezo