Rayon Sports yongeye gusubikura gukorana na Rwanda Sports Promoters

Yanditswe na Admin ku wa 27.07.2015 saa 12:41 | Yasuwe : 1,071

Umuryango wa Rayon Sports wamaze gutangaza ko wasubukuye ibikorwa ufatanyamo na Rwanda Sports Promoters byo gukata amafaranga abanyamuryango b’iyi kipe agahabwa ikipe.

iki gikorwa cy’ingirakamaro ngo kizajya kinjiriza Rayon Sports  Miliyoni zirenga 15 buri kwezi. Ibi bibaye mu gihe hari hashize iminsi mike ibi bikorwa bisubitswe.

Ku itariki 9 Kamena uyu mwaka  nibwo Umuryango wa Rayon Sports wari wasohoye itangazo uhagarika ibi bikorwa. Icyo gihe wemezaga ko ibi bikorwa bihagaritswe kuko Rwanda Sports Promoters iri kubikora mu mu buryo butemewe n’amategeko.

Umuryango wa Rayon Sports mu ijwi ry’umuyobozi wayo, Ngarambe Charles yari yavuze ko hagiye kubaho ibiganiro ku mpande zombi, bazamara kwemeranywa ku buryo bizakmorwamo bakongera kubisubukura.

rayonpromoters1

Ibi biganiro bishobora kuba byaragenze neza kuko mu nama y’uyu muryango yabaye tariki ya 17/7/2015 yemeje ko Rwanda Sports Promoters isubirana uburenganzira igasinyana amasezerano na MTN bagatangira gukata abanyamuryango amakarita.

Mu itangazo ryashyizwe hanze tariki ya 22 uku kwezi , Umuryango wa Rayon Sports wahaye uburenganzira R Sports Promoters bwo gukomeza gukora.

rayonpromoters

Umuyobozi wa Rwanda Sports Promoters,Nshuti Olivier yatangaje ko ko aya masezerano yasubukuwe ndetse bagiye no gutangira ibikorwa nkuko byari bimeze mbere batarayasubika.

Yagize ati: “Nibyo koko, aya masezerano yasubukuwe, ejo twasinyanye amasezerano na Rayon Sports ubu byose byasubiye mu buryo. Twabasabye ko batwandikira urupapuro ruvuguruza urwo bari batwandikiye mbere babihagarika ndetse bakanamenyesha n’inzego bari bamenyesheje.”

Olivier yavuze ko ukurikije umuvuduko bari bariho ndetse n’uwo bagiye gukoreraho, babona uyu mushinga uzajya winjiriza Rayonn Sports amafaranga arenga Miliyoni 15 n’eshanu buri kwezi uhereye mu kwezi gutaha. Olivier kandi yavuze ko ubu bafitanye amasezerano na MTN yo gushyira mu bikorwa uyu mushinga.

Tanga igitekerezo na Facebook

Tanga igitekerezo