Rayon Sports yihereranye Gasabo mu gikombe cy’Amahoro

Yanditswe na Admin ku wa 03.06.2015 saa 16:44 | Yasuwe : 839

Ikipe ya Rayon Sports yamaze gukatisha itike yerekeza muri 1/8 cy’igikombe cy’Amahoro nyuma yo gutsinda Ikipe ya Gasabo United ibitego bitatu ku busa byose byinjiye mu gice cya kabiri.

Kuri uyu wa Gatatu kuri Stade ya Kicukiro, ikipe ya Rayon Sports yihereranye ikipe ya Gasabo isanzwe ibarizwa mu cyiciro cya kabiri iyitsinda Ibitego bitatu ku busa.

Uyu mukino watangiye ikipe ya Gasabo igerageza kwihagararaho ndetse iza no kubasha kurangiza igice cya mbere nta gitego itsinzwe.Igice cya kabiri kigitangira,ikipe ya Rayon Sports yaje kubona Penaliti maze Isaac Muganza ayitera mu biganza by’umunyezamu wa Gasabo United

rayogasabo
Ku Munota wa 55 w’umukino,Djihad Bizimana yarekuye ishoti rikomeye maze umunyezamu wa Gasabo ntiyabasha kuwukomeza ,biza gutuma Hategekimana Aphrodice wari wakurikiye uwo mupira awusongamo kiba kibaye icya mbere ku busa.
Ku munota wa 78, Umukinnyi Kwizera Pierrot yaje gutsinda igitego cya kabiri ndetse no ku munota wa 90 w’umukino, Hategekimana Aphrodice yaje kurekura ishoti ndetse riza no gutambuka mu nshundura z’izamu,maze kiba kibaye icya gatatu ku busa ari nako umupira waje kurangira.
Umutoza w’ikipe ya Rayon Sports, Kayiranga Jean Baptiste avuga ko batabashije gutsinda iyi kipe mu minota ya mbere nuko abakinnyi ntamyitozo bakoraga mu minsi ishize bituma kwinjira mu mukino bibagora. Yagize ati “abakinnyi banjye bamaze iminsi barwaye hafi yabose ni na yo mpamvu hari abatagaragaye mu mukino dore ko na Ndayisenga Fuadi wabanje mu kibuga mu minota 20 y’igice cya mbere byari byanze kubera uburwayi bw’amarariya”.
Avuga ko kuba bagize amahirwe yo gukomeza bagiye gushyiramo imbaraga bagakora imyitozo myinshi kugira ngo basubire ku rwego nkurwo bariho muri shampiyona. Jules umutoza wa Gasabo we avuga ko abakinnyi be ntako batagize kuko igice cya mbere cyarangiye nta gitego barinjizwa ariko mu gice cya kabiri bakaba bari bananiwe cyane.
rayogasabo1
Rayon Sports yabanjemo
rayogasabo2
Gasabo yabanjemo
Yarangije avuga ko nubwo basezerewe, ariko bigiye byinshi muri iri rushanwa kuko byibura kuba bakinnye na Rayon Sports isanzwe ifite izina mu mupira w’amaguru mu Rwanda ari ishema ridasanzwe.Undi mukino wabaye wahuje ikipe y’Isonga na Unity Fc maze urangira Isonga Fc inyagiye Unity Fc ibitego 4-1.

Indi mikino yari yabaye mu mpera z’icyumweru gishize

Kuwa Gatandatu,30/05/2015

Police 3-0 ASPOR
AS Kigali 7-0 Pepiniere
Etincelles 2-1 Rwamagana
Mukura 5-1 Kirehe
Sunrise 4-2 Interforce
Gicumbi 3-1 Etoile de l’Est

Ku Cyumweru, 31/05/2015

Kiyovu 11-0 Hope
Espoir 4-0 Miroplast
Musanze 5-0 Vision Fc
Amagaju 1-1 Vision JN (Pen 3-5)
Muhanga 2-2 Bugesera (Pen 3-4)
Marines 1-2 Sorwathe
Esperance 2-3 SEC

Tanga igitekerezo na Facebook

Tanga igitekerezo