Rayon Sports yatsinze Isonga muri 1/2 cy’Igikombe cy’Amahoro umukino ubanza

Umukino wa mbere wa ½ w’igikombe cy’amahoro wahuzaga ikipe ya Rayon Sports n’Isonga urangiye Rayon Sports itsinze 2-1 itera intambwe ya mbere yo kwerekeza ku mukino wa nyuma , mu gihe igitegereje umukino wo kwishyura uzaba kuri uyu wa kabiri.

Uyu wari umukino wa mbere wa ½ cy’igikombe cy’amahoro wabereye kuri stade ya Muhanga aho Rayon Sports yari yakiriye ikipe y’Isonga FC wari witabiriwe n’abafana ba Rayon benshi bo mu Ntara y’amajyepfo ndetse n’abari  baturutse i Kigali, Isonga FC yageze aho ikina neza ariko ibura amahirwe yo kwinjiza ibitego.

Abakunzi b’ikipe y’i Nyanza benshi bemezaga ko ikipe yabo iza kuhagirira ingorane kubera kubura bamwe mu bakinnyi bayo b’imena bagiye gukina muri Sofapaka aribo Kapiteni Fuadi Ndayisenga na Hategekimana Aphrodis Kanombe.

Nkuko impande zombi zagiye zibitangaza zari zateguye uyu mukino ku buryo bwose bushoboka, ibi kandi byaje no kugaragara mu kibuga amakipe yose yatangiye asatira ashaka igitego. Ibi byahiriye Rayon Sport mbere kuko ku munota wa 9 Kwizera Pierroturi kuzamura urwegorw’imikinire  yahise afungura amazamu .

Rayon Sport yakomeje gusatira yotsa igitutu Isonga FC ariko n’Isonga FC ikomeza kwihagararahoariko  igice cya mbere kijya kurangira umukinnyi ukina hagati mu ikipe ya Rayon Sport Bizimana Djihad yatsinze igitego cyiza nyuma yo kureba uko umuzamu Hategekimana Bohneur ahagaze maze ahita amuroba umupira uruhukira mu rucundura igice cya mbere cyirangira  Rayon Sports ifite ibitego 2-0.

rayonisongapeace15

Mu gice cya kabiri  Isonga nayo yaje ishaka kwishyura isatira cyane Rayon Sports byaje no kuyibyarira umusaruro kuko ku munota wa 57 babonye penaliti yaturutse ku ikosaNiyonkuru Vivien  yakoreye  Rutahizamu Alexis.Uyu Vivien  yahise anabona ikarita y’umuhondo maze  penalitiiterwa  neza na Kwizera Mansur, Isonga FC ibona igitego cya mbere.

Ibi bitego ni nabyo byonyine byabonetse muri uyu mukino kuko amakipe yose yakomeje gusatirana ndetse anarinda amazamu yayo birangira ntakipe yongeye gutsinda ikindi gitego.

Umutoza w’ikipe ya Rayon Sports, Kayiranga Jean Baptiste yizeye ko Isonga FC ntacyo izahindura mu mukino wo kwishyura wa 1/2.
Kayiranga avuga ko n’ubwo umukino uzabera i Kigali nta kintu kidasanzwe kizahinduka.

Kayiranga atangaza ko bagomba kugarurira icyizere ba rutahizamu bakababwira ko bagomba gutuza bakareka guhuzagurika n’abo hagati bakirinda gutakaza imipira.

Ati ” nta mpungege nyinshi mfite, ni umupira ukurikije uko umukino ubanza wagenze, sinzi yenda abandi bakinnyi Isonga ifite ntazi, ikaba izabakinisha? Aho niho nagira impugenge menye ngo ni kanaka bagiye kongeramo nibwo nagira impugenge, ariko ubu nta mpugenge” .

Umutoza w’ikipe ya Isonga FC, Seninga Innoncent atangaza ko agomba gushaka igitego kimwe akaba ashobora gukomeza ku mukino wa nyuma w’igikombe cy’Amahoro.Seninga avuga ko bitoroshye kuba basezerera ikipe ya Rayon Sports, kuko abakinnyi bafite ubunararibonye no kumenyera amarushanwa kubarusha.

Umukino wo kwishyura uteganyijwe kuri uyu wa kabiri tariki ya 30/6 ukazabera kuri stade ya Kicukiro.

Tanga igitekerezo na Facebook

Tanga igitekerezo