Rayon sports yatsinze Isonga 4-3 mu mukino wa gicuti

Yanditswe na Rwanda Football ku wa 15.06.2015 saa 09:35 | Yasuwe : 625

Mu rwego rwo kwitegura imikino ya 1/8 cyirangiza mu gikombe cy’Amahoro ikipe ya Rayon sports  FC yakinnye umukino wa gicuti n’ikipe y’Isonga FC.

Uyu mukino utitabiriwe cyane nkuko bisanzwe iyo Rayon Sports yakinnye wabereye ku kibuga cya Mumena i Nyamirambo kuri icyi cyumweru ku wa 14.06.2015 guhera saa cyenda n’igice.

Rayon sports f kuri ubu yatangiye gahunda yo gukinisha abakinnyi bakiri bato nkuko byagaragaye muri uyu mukino  aho wasangaga nibura mu  bakinnyi babanjemo 80% ari abakiri  bafite imbaraga ndetse n’ubushake hakaba hakibura kumenyerana gusa .

ikipe y’Isonga nk’ibisanzwe izwiho kuzamura ndetse no kurerera amakipe yo mu cyiciro cya mbere aho bashyirwa hamwe ndetse bagakurikiranwa na ministere ishinzwe Umuco na Sport mu Rwanda.

rayogasabo1

Muri uyu mukino ikipe y’Isonga yagoye ikipe ya Rayon Sports fc ugereranyije nuko abakinnyi hafi ya bose  banganaga mu kibuga bakiri bato  gusa Rayon sports fc igacishamo igashyiramo aka bukuru.

Ibi byaje kuyifasha gutsinda uno mukino  ibitego 4-3 nubwo byagoranye bwose.Ibitego byatsinzwe na Kanombe kuri penariti,umusore Noah wavuye muri Bugesera , Eric ndetse n’undi mukinnyi wari wambaye numero 14.

Uyu mukino witabiriwe ku rwego ruciriritse  bitandukanye nuko twari  tumenyereye ko abakunzi ba Rayon sports fc baza ari benshi ariko kuri uyu munsi byagaragaye ko batitabiriye umukino.Benshi mu bo twaganiriye bakaba babona byatewe n’itungurana ry’uwo mukino washyizweho huti huti ndetse ntunamenyeshwe abakunzi ba Rayon Sports fc hakiri kare.

Rayon Sports fc ikaba yasubiye i Nyanza aho igiye gukomereza imyitozo yo kwitegura ikipe ya SEC Academy izahura nayo muri 1/8 cy’igikombe cy’Amahoro kuwa 18.6.2015.

Tanga igitekerezo na Facebook

Tanga igitekerezo