Rayon Sports yateguye gahunda yihariye yo kwibuka abazize Jenoside nyuma y’umukino na Rivers United

Yanditswe na Admin ku wa 14.04.2017 saa 00:01 | Yasuwe : 30

Ikipe ya Rayon Sports yitegura umukino ubanza n’ ikipe ya Rivers United mu mikino ya CAF Confederation Cup uzaba ku cyumweru taliki ya 16 Mata 2017 .

Nyuma yuwo mukino izategura igikorwa cyo kwibuka ku nshuro ya 23 by’ umwihariko. Biteganyijwe ko ikipe ya Rayon Sports izahaguruka mu Rwanda ku munsi wo kuwa gatanu taliki ya 14 Mata 2017, aho izaba yerekeje mu gihugu cya Nigeria gukina umukino wasubitswe bitewe n’ ibihe u Rwanda rurimo byo kwibuka Jenoside yakorewe abatutsi 1994.  

Uyu mukino wa Rayon Sports na Rivers United uzaba ku cyumweru taliki ya 16 Mata 2017 aho bazakina umukino ubanza w’ijojora rya gatatu ry’irushanwa rihuza amakipe yatwaye ibikombe iwayo, CAF Confederation Cup 2017.

Umwaka washize wa 2016 abagize ikipe ya Rayon Sports basuye urwibutso rwa Jenoside rwa Kigali ku Gisozi, uyu mwaka nabwo iyo gahunda iteganyijwe mu minsi ijana yo kwibuka izasozwa tariki 4 Nyakanga 2017.

Ikipe ya Rayon sports imaze iminsi ibiri mu mwihereroyo izahura na Rivers United yo muri Nigeria. Rayon Sports niyo kipe imwe rukumbi yo mu Rwanda isigaye mu marushanwa ya CAF aho ubu yatangiye kwitegura uyu mukino uzabera kuri Yakubu Gowon Stadium yakira abantu ibihumbi 30. 

Umunyamabanga mukuru wa Rayon Sports Gakwaya Olivier yavuzeko nyuma y’iyi mikino bazategura gahunda yihariye yo kwibuka abazize Jenoside barimo 29 bakoraga muri Rayon sports aho umubare ushobora kwiyongera uko amakuru akomeza gukusanywa.

Tanga igitekerezo na Facebook

Tanga igitekerezo