Rayon Sports yasohoye urutonde rw’abakinnyi 25 isezerera 10

Yanditswe na Rwanda Football ku wa 22.08.2017 saa 15:31 | Yasuwe : 207

Nyuma y’imyitozo yo kuri uyu wa kabiri tariki ya 22 Kanama nibwo  hamenyekanye abakinnyi 25 bagomba gusigara mu ikipe ya  Rayon Sports mu gihe bari bamaze ukwezi bakora imyitozo basaga 35, ari na bo bari bamaranye n’Umutoza Karekezi Olivier ibyumweru bitatu.

Ku rutonde rw’abakinnyi 25 bemejwe harimo umukinnyi umwe gusa urikiri mu igeragezwa, ariwe rutahizamu w’umuny-Mali Tamboura Alhassane.

Mu bakinnyi 12 barekuwe harimo 7 bafitanye na Rayon Sports amasezerano barimo Senyange Yvan, Nsengiyumva Idrissa, Bashunga Abouba, Yves Rwigema, Niyigena Jules Moise, Lomami Frank na Rutinywa Gonzalez biteganyijwe ko bazatizwa Mukura VS  nk’ingurane ya Ally Niyonzima, dore ko bivugwa ko amakipe yombi yumvikanye ko azaguranwa abakinnyi batanuna Etincelles.

Yves Rwigema na Mikebari mu basezerewe

Kuri aba hiyongeraho abana bavuye mu ishuri “Academy” y’i Nyanza, n’abandi bageragezaga amahirwe yabo muri Rayon Sports barimo Mwiseneza Djamal na Niyonkuru Radju banayikiniye.Rwigema Yves nawe ashobora gutizwa indi kipe akazagaruka muri Mutarama umwaka utaha mbere y’uko Rayon Sports itangira imikino y’igikombe cya Afurika.

Abarinda izamu bemejwe: Mutuyimana Everiste na Ndayishimiye Eric “Bakame” na Kassim.

Ba myugariro bemejwe: Irambona Eric, Nyandwi Sadam, Mugabo Gabriel, Rutanga Eric, Mutsinzi Ange, Nzayisenga Jean d’Amour “Mayor”, Manzi Thierry, Usengimana Faustin, na Rwatubyaye Abdul.

Abakina hagati bemejwe: Kwizera Pierre Pierrot, Manishimwe Djabel, Muhire Kevin, Mugisha Francois “Master”, Niyonzima Olivier “Sefu”, Niyonzima Ally, na Nova Bayama.

Abataha izamu bemejwe : Habimana Yussuf, Kone Tidiane, Mugisha Gilbert, Nahimana Shassir, Bimenyimana Bon Fils Caleb, na Tamboura Alhassane ukiri mu igeragezwa.

Nyuma y’imyitozo ,umutoza Ndikumana yagize ati : “Abenshi twarekuye ni abahoze mu ngimbi za Rayon Sports, ariko muri abo hari abari bagifite amasezerano na Rayon Sports, bo turabashakira aho bajya babe bakina wenda nibazamura urwego rwabo tubagarure.”

Usengimana Faustin ni we watsinze igeragezwa wenyine

Kuva Rayon Sports yatangira imyitozo, abakinnyi benshi bayiciyemo bakora igeragezwa. Muri bo twavuga nka Habyarimana Innocent wamaze gusinya muri Kiyovu Sports, Nsoro Emmanuel Uwimana, Niyonkuru Djuma bita ‘Radju’ na Usengimana Faustin bakiyongeraho na Alhassane Tamboula waturutse muri Mali.

Usengimana Faustin yarokotse ijonjora

Muri abo bakinnyi bose n’abandi tutavuze, Usengimana Faustin ni we wenyine wamaze kwemeza abatoza ku buryo banamusabira gusinyishwa amasezerano, mu gihe Alhassane Tamboula we ategereje umukino Rayon Sports izakinamo na Villa SC ku itariki ya 2 Nzeri.

Nyuma y’imyitozo umutoza Ndikumana yagize ati “Abenshi twarekuye ni abahoze mu ngimbi za Rayon Sports, ariko muri abo hari abari bagifite amasezerano na Rayon Sports, bo turabashakira aho bajya babe bakina wenda nibazamura urwego rwabo tubagarure.”

Mwiseneza Djamal yasezerewe

Urutonde rw’abakinnyi ba Rayon Sports:

1. Ndayishimiye Eric ‘Bakame’,
2. Mutuyimana Evariste,
3. Manzi Thierry,
4. Usengimana Faustin (utarasinya amasezerano),
5. Rwatubyaye Abdoul,
6. Mutsinzi Ange Jimmy,
7. Mugabo Gabriel,
8. Irambona Eric,
9. Nzayisenga Jean d’Amour (Mayor),
10. Mugisha François,
11. Rutanga Eric,
12. Nyandwi Sadam,
13. Kwizera Pierrot,
14. Niyonzima Olivier ‘Sefu’,
15. Niyonzima Ally,
16. Muhire Kevin,
17. Nova Bayama,
18. Manishimwe Djabel,
19. Habimana Yussuf,
20. Tediane Kone,
21. Bimenyimana Caleb Bonfils,
22. Nahimana Shassir,
23. Alhasane Tamboura (ukiri mu igeragezwa kugeza ku itariki 2 Nzeri 2017),
24. Mugisha Gilbert.

Tanga igitekerezo na Facebook

Tanga igitekerezo