Rayon Sports yasinyishije abakinnyi bane bo mu Isonga

Yanditswe na Admin ku wa 26.05.2015 saa 15:32 | Yasuwe : 962

Nyuma y’aho ikipe y’Isonga irangirije ku mwanya wa nyuma n’amanota 18 muri Shampiona y’icyiciro cya mbere n’amanota 18,ndetse bikayiviramo no gusubira mu cyiciro cya kabiri, ubu amakipe akomeye yo mu Rwanda yatangiye kuyikuramo bamwe mu bakinnyi bari bayifatiye runini aho ubu iri kuvugwa cyane ari ikipe ya Rayon Sports.

Abakinnyi bane bo mu ikipe y’Isonga bamaze gusinya mu ikipe ya Rayon Sports nyuma y’aho iyi kipe itabashije kuguma mu cyiciro cya mbere ndetse n’ubuyobozi bw’iyi kipe bukaba bwemeza ko iyi kipe yiteguye kurekura abakinnyi batandukanye bakerekeza mu makipe akomeye ya hano mu Rwanda

Uumuyobozi w’Isonga ariwe Muramira Gregoire atangaza  ko biteguye gutanga umukinnyi uwo ariwe wese mu gihe binyuze mu nzira nziza, ariko anatangaza ko kugeza ubu nta mukinnyi Isonga iragurisha.

isongafc

Muramira yagize ati ” Nta mukinnyi n’umwe turatanga ahubwo ikiriho n’uko hari amakipe ari kunyura ku ruhande tukumva ngo bahaye abakinnyi bacu amafaranga, gusa hari n’abadusabye umukinnyi nka Muhire Kevin na Savio ariko nabo nta n’umwe urabatwara ngo dusinyane amasezerano”

N’ubwo Muramira Gregoire yatangaje ko nta kipe yari yahabwa abo bakinnyi  amakuru  aremeza ko abakinnyi barimo Mugisha Francois ukina nka myugariro (Central defender), Niyonzina Olivier(ukina mu kibuga hagati), Ndacyayisenga Alexis(Rutahizamu) ndetse n’umunyezamu wayo Hategekimana Bonheur bamaze kugera mu ikipe ya Rayon Sports –
Usibye aba bakinnyi kandi biranavugwa ko umukinnyi Nshuti Dominique Savio watsinze igitego rukumbi Amavubi y’abatarengeje imyaka 23 yatsinze Uganda nawe yaba ari mu bakinnyi berekeje muri Rayon Sports ariko Muramira uyobora Isonga yatangaje ko uwo mukinnyi ikipe ya APR Fc yamusabye.
Tanga igitekerezo na Facebook

Tanga igitekerezo