Rayon Sports yashyize yirukana Sina Jerome

Yanditswe na Admin ku wa 07.05.2015 saa 20:40 | Yasuwe : 728

Nyuma yo kumara igihe kinini atagaragara mu mikino itandukanye y’iyi kipe, rutahizamu w’ikipe ya Rayon Sports, Sina Jerome yamaze gusezererwa muri iyi kipe nk’uko byatangajwe n’umuvugizi w’iyi kipe.

Sina Jerome yaburiwe irengero mbere gato y’umukino w’ikirarane na Etincelles tariki 19/04/2015, nyuma yaho yari amaze ibyumweru bibiri agaragaye mu mukino ikipe ya Rayon Sports yatsinzemo Kiyovu Sports ibitego 3-2 muri shampiyona.

Niyomusabye Aime Emmanuel umuvugizi wa Rayon Sports yatangarije ikinyamakuru cya siporo Ruhagoyacu ko koko birukanye uriya rutahizamu ukomoka muri Congo Kinshasa.

Sina-Jerome1

Ati “Ni byo koko Sina yamaze gusezererwa mu ikipe ya Rayon Sports. Nyuma yaho yari yasabwe ibisobanuro mu minsi ishize. Yatanze ibisobanuro ndetse anasaba imbabazi, ariko twasanze tutagomba kumugumana.Nk’umukozi wari ku kazi agatererana ikipe ku rugamba yari ifite mu irushanwa, twasanze tugomba kumureka akajya gukina ahandi yumva hamushimishije”.

Niyomusabye avuga ko Rayon Sports ntacyo igomba uyu mukinnyi ahubwo ari we wari ufite ibyo akiyigomba ariko ngo bahisemo kumureka ngo agende.

Tanga igitekerezo na Facebook

Tanga igitekerezo