Rayon Sports yasezerewe na Zamalek yo mu Misiri

Ikipe ya Rayon Sports yari ihagarariye u Rwanda mu mukino y’igikombe cy’Afurika cy’amakipe yatwaye ibikombe ( Confederation Cup) yasezerewe na Zamalek yo mu Misiri iyitsinzeibitego 3-0 .
Ni umukino wabaye kuri iki cyumweru tariki ya 5 Mata 2015 kuri Sitade Amahoro i Remera i Kigali imere y’abakunzi benshi ba Rayon Spor.ts bari biteze ko ikipe yabo ikora ibitangaza igasezerera igihangange Zamalek.Ibitego bitatu bya Zamalek byatsinzwe na Omar Mahmoud ku munota wa 35, Ali Gabr ku munota wa 52 na Ahmed Eid ku munota wa 55. Nyuma y’umukino umutoza wa Zamalek, Manuel Jesualdo Ferreira atangaza ko yishimiye ko yatsinze uwo mukino kandi n’uko ikipe bari bahanganye yakinnye.

Manuel atangaza ko bafite uburyo bwo gukina neza, kandi bazakomeza kugira ikipe ikomeye, ariko bakaba bashimira ikipe ya Rayon Sports uko yitwaye muri uwo mukino.  Uyu mutoza akomeza avuga ko Rayon Sports ari ikipe ifite umukino mwiza, ariko Zamalek ikaba yayoboye umukino ikabasha no gustinda.

rayonsportszamalek15Umutoza wa Rayon Sports, Kayiranga Jean Baptiste atangaza ko ikivuye mu mukino kitamutangaje akurikije uko umukino wari umeze.

Ati ” mu gice cya mbere twagerageje kubona uburyo, ariko twakinnye n’ikipe ikomeye yagize imbaraga mu myanya yayo yose numva ko mu by’ukuri kwishyura ibitego 2 kuva yari yabanje kudutsinda igitego ubwo twasabwaga 4, byadukomereye ugereranyije n’ubushobozi abakinnyi banjye bari bafite”.

Mu mikino ibiri ubanza n’uwo kwishyura Rayon Sports itsinzwe ibitego 6-1 mu mikino y’amakipe yabaye aya kabiri iwayo ku mugabane w’Afurika (CAF Confederations Cup).

Mu mukino ubanza wabereye mu Misiri Zamalek yatsinze Rayon Sports ibitego 3-1.

Indi kipe ihagarariye u Rwanda APR F C na yo ikaba iherutse gusezererwa muri iyi mikino y’Afurika y’amakipe yabaye aya mbere iwayo itsinzwe na   Al Ahly ku bitego 2-0.Abakinnyi babanje mu kibuga

Rayon SportsUmuzamu: Ndayishimiye Eric

Ba myugariro : Manzi Sincere Huberto, Imanishimwe Emmanuel, Tubane James na Usengimana Faustin.

Abakina hagati:Ndayisenga Fuad, Bizimana Djihad, Kwizera Pierre na Uwambazimana Leon

Ba rutahizamu: Muganza Isaac na Peter Otema

Zamalek

Umuzamu: Ahmed Nasser Mahmoud

Ba myugariro: Hazem Mohammed, Mohamed Mahek, Ali Gabr na Ahmed Mohamed

Abakina hagati: Ibrahim Salah, Maroof Yusuf, Omar Mahmoud, Ahmed Eid na Aly Hefny

Rutahizamu: Basem Morsy.

Tanga igitekerezo na Facebook

Tanga igitekerezo