Rayon Sports yaraye igarutse i Kigali yizera kuzakuramo Rivers United

Yanditswe na Rwanda Football ku wa 18.04.2017 saa 11:25 | Yasuwe : 49

Nyuma yo gutsindirwa muri Nigeria ibitego bibiri ku busa mu mukino ubanza wa 1/16 cya CAF Confederation Cup, Rayon Sports yageze i Kanombe kuri uyu wa mbere saa yine z’ijoro.

Ictangaje abantu ariko nuko nta bafana benshi baje kuyakira nk’uko bisanzwe bigenda mbese nkuko byagenze ubwo yari ikomotse muri Sudani y’Epfo imihanda igafungwa kubera ubwinshi bwabo.

Iyi kipe yagiye gukina na Rivers United abafana bayo benshi bumva ko izitwara neza kubera uburyo yari ihagaze neza muri shampiyona naho Rivers United itsindwa umusubirizo iwabo.

Ibi siko byagenze kuko ibitego bibiri byinjiye mu izamu rya Ndayishimiye Eric Bakame ndetse abasore ba Masoudi Djuma babura n’igitego kimwe cyo hanze byatumye bamwe mu bafana bacika intege ntibaza ku bwinshi kuyakira i Kanombe nk’uko basanzwe babikora iyo yitwaye neza.

Ubwo abakinnyi ba Rayon Sports basesekaraga i Kanombe

Nk’uko Masoudi yabitangarije muri Nigeria nyuma yo gutsindwa akavuga ko icyizere kitararangira kuko ibitego bibiri bashobora kubyishyura, ageze n’i Kigali yongeye kubishimangira avuga ko Rayon Sports igifite amahirwe yo kujya mu matsinda.

Yagize ati “ Urugendo uko rwagenze mwarabibonye. Igice cya mbere hari ubushyuhe bukabije. Twagize ibyago ku makosa y’umukinnyi ku giti cye badutsinda igitego mu gice cya mbere, twinjiye no mu gice cya kabiri ku makosa y’umuzamu badutsinda icya kabiri gusa biriya bibaho.”

“Nta makuru ahagije twari dufite kuri iriya kipe kuko ibyo bari batubwiye twasanze ari ibindi, ubu twarayibonye, aho ikomeye n’aho yoroshye ubu tugiye gutegura umukino wo kwishyura kuva ejo [ku wa Mbere].”

Masoudi yanasabye abafana ba Rayon Sports kuzaza kuyishyigikira ari benshi kugira ngo izabashe gusezerera Rivers United kuko atari ikipe yoroshye nk’uko bamwe babitekerezaga gusa ngo icyizere kiracyahari ko i Kigali yakora ibisabwa bakerekeza mu matsinda ku nshuro ya mbere mu mateka.

Rayon Sports iratangira imyitozo kuri uyu wa Mbere saa 16:00 kuri Stade Mumena ikaba izakina umukino wo kwishyura idafite Mugheni Fabrice ariko ikazaba yagaruye Ange Mutsinzi mu mutima w’ubwugarizi.

Iyi kipe yagiye gukina na Rivers United abafana bayo benshi bumva ko izitwara neza kubera uburyo yari ihagaze neza muri shampiyona naho Rivers United itsindwa umusubirizo iwabo.

Ibi siko byagenze kuko ibitego bibiri byinjiye mu izamu rya Ndayishimiye Eric Bakame ndetse abasore ba Masoudi Djuma babura n’igitego kimwe cyo hanze byatumye bamwe mu bafana bacika intege ntibaza ku bwinshi kuyakira i Kanombe nk’uko basanzwe babikora iyo yitwaye neza.

Nk’uko Masoudi yabitangarije muri Nigeria nyuma yo gutsindwa akavuga ko icyizere kitararangira kuko ibitego bibiri bashobora kubyishyura, ageze n’i Kigali yongeye kubishimangira avuga ko Rayon Sports igifite amahirwe yo kujya mu matsinda.

Yagize ati “ Urugendo uko rwagenze mwarabibonye. Igice cya mbere hari ubushyuhe bukabije. Twagize ibyago ku makosa y’umukinnyi ku giti cye badutsinda igitego mu gice cya mbere, twinjiye no mu gice cya kabiri ku makosa y’umuzamu badutsinda icya kabiri gusa biriya bibaho.”

“Nta makuru ahagije twari dufite kuri iriya kipe kuko ibyo bari batubwiye twasanze ari ibindi, ubu twarayibonye, aho ikomeye n’aho yoroshye ubu tugiye gutegura umukino wo kwishyura kuva ejo [ku wa Mbere].”

Masoudi yanasabye abafana ba Rayon Sports kuzaza kuyishyigikira ari benshi kugira ngo izabashe gusezerera Rivers United kuko atari ikipe yoroshye nk’uko bamwe babitekerezaga gusa ngo icyizere kiracyahari ko i Kigali yakora ibisabwa bakerekeza mu matsinda ku nshuro ya mbere mu mateka.

Rayon Sports iratangira imyitozo kuri uyu wa Mbere saa 16:00 kuri Stade Mumena ikaba izakina umukino wo kwishyura idafite Mugheni Fabrice ariko ikazaba yagaruye Ange Mutsinzi mu mutima w’ubwugarizi.

Tanga igitekerezo na Facebook

Tanga igitekerezo