Rayon Sports yaguze umukinnyi mushya

Yanditswe na Admin ku wa 28.07.2015 saa 11:22 | Yasuwe : 1,390
Mu rwego rwo gusimbura abakinnyi b’ingenzi bayivuyemo,ikipe ya Rayon Sports yamaze gusinyisha umukinnyi Mugenzi Cedrick wakinaga hagati muri Gicumbi FC.

Niyomusabye Emmanuel, umuvugizi wa Rayon Sports avuga ko baguze uyu mukinnyi mu gihe cy’imyaka ibiri. Ati ” Ni byo koko Mugenzi twamuguze azadukinira uyu mwaka n’utaha”.

Mugenzi aje muri Rayon Sports asanze umutoza Kayiranga Jean Baptiste wamutoje mu ikipe ya Gicumbi muri shampiyona ya 2013-2014. Niyomusabe avuga ko mu kwitegura shampiyona y’uyu mwaka, bakomeje kongerera amasezerano mashya bamwe mu barimo bayarangizaga.

Muri bo harimo Rukundo Jean Marie Vianney uje usanga Ndayishimiye Eric  bita Bakame, Moses Kanamugire na Léon  Uwambajimana baherukaga kuyongera.

mugenzi

Nyuma ya shampiyona y’uyu mwaka, Rayon Sports yatakaje abakinnyi bayo bakomeye barimo kapiteni Ndayisenga Fwadi na Hategekimana Kanombe bagiye muri Sofapaka yo muri Kenya,  Ndatimana Robert werekeje muri Police FC na Bizimana Djihad wagiye  muri APR FC. Mu bo yaguze  harimo Nshuti Dominique na Muhire Kevin bavuye mu Isonga.

Tanga igitekerezo na Facebook

Tanga igitekerezo