Rayon Sports : Sina na Peter Kagabo bemerewe,Mussa ntazakina.

Yanditswe na Rwanda Football ku wa 10.10.2014 saa 11:40 | Yasuwe : 1,880

Peter Kagabo, rutahizamu ukomoka muri Uganda ku mazina ya Peter Otema wakiniraga Police FC ubu arabarizw a muri Rayon Sports aho yasinye amasezerano y’imyaka ibiri 

Uyu mugande wari warahawe ubwenegihugu bw’ubunyarwanda yakiniye ikipe y’igihugu Amavubi, ndetse yahoze mu ikipe ya Rayon Sports yavuyemo mu kwezi kwa gatandatu 2011. Sina Jerome nawe arongeye agarutse muri Rayon Sports aho yari yayicitse akigira muri Congo

Ubuyobozi bwa Police FC bwatangaje ko undi munyamahanga umwe mu bo barekuye Mugheni Fabrice wari warabatijwe Mutuyimana Moussa atazakinira Rayon Sports kuko uyu mukinnyi atabishaka, Rayon Sports yo ikaba yamuretse kubera ibyangombwa bituzuye naho Sina Jerome yasanze bagenzi be i Nyanza.

CIP Mayira Jean de Dieu, umuvugizi wa Police FC yabwiye Radio 10 ko babonye Mutuyimana adashaka kujya muri Rayon Sports basanga batabimuhatira, bategereje amakipe yo hanze yamushakaga harimo na El Merreikh yo muri Sudani.

petersinamussa

Umuvugizi wa Police FC yahakanye ko hari amafaranga Rayon Sports yabahaye kuko ngo batari gufata amafaranga bitarakemuka. Byari byavuzwe ko Rayon Sports yashyuye miliyoni 18 kuri Mutuyimana Moussa na Sina Jerome.

Nyamara Ntampaka Theogene, umuyobozi wa Rayon Sports yatangaje ko baretse Mutuyimana Moussa kuko afite ibibazo by’ibyangombwa nkuko byagaragaye kuri rutonde ruherutse kujya hanze.

Yagize ati “ Nta cyangombwa Police FC ifite cyerekana uko Mutuyimana yaje mu Rwanda aribyo byatumye mu minsi ishize Dauphins Noirs isaba amafaranga, twabaye tumuretse nabona ibyangombwa ashobora kuza muri Mutarama 2015.”

Ntampaka avuga ko bagitegereje rutahizamu wabo, Kambale Salita Gentil byavuzwe mu minsi ishize ko ari kugeragezwa muri Tout Puissant Mazembe, avuga ko nubwo yagaruka atazakina mu mikino mpuzamahanga, CAF confederation cup Rayon Sports izakina.

Yagize ati “ Ntabwo inzira Kambale yaciyemo zisobanutse, dukina na Leopards de Dolisie [Gashyantare 2014] bari bamutanze mu kirego, badusezereye ntibabikurikirana naza ntazakina mu mikino nyafurika.”

Mu gihe shampiyona izatangira tariki ya 18 Ukwakira 2014, Rayon Sports yatakaje abakinnyi babiri Ndayisenga Fuadi na Serugendo Arafat bakinaga nk’Abanyarwanda.

Gahunda y’umunsi wa mbere wa shampiyona

Kuwa Gatandatu, 18 Ukwakira 2014

Rayon Sports vs Amagaju (Stade ya Kigali)

Etincelles vs Isonga (Stade Umuganda)

Espoir FC vs Mukura VS (Rusizi)

Ku Cyumweru, tariki ya 19 Ukwakira 2014

Gicumbi vs Police FC (Gicumbi)

APR FC vs Musanze (Stade ya Kigali)

SC Kiyovu vs Marines (Mumena)

Sunrise vs AS Kigali (Rwamagana)

Tanga igitekerezo na Facebook

Tanga igitekerezo