Rayon Sports mu biganiro bishya n’ umutoza Kayiranga Batista

Yanditswe na Admin ku wa 25.07.2015 saa 12:46 | Yasuwe : 1,048

Umutoza w’ ikipe ya Rayon Sports, Kayiranga  Jean Baptiste yatangiye ibiganiro n’iyo kipe kugira ngo akomeze kuyitoza mu gihe kiri imbere nyuma yaho amasezerano bari bafitane arangiriye mu ntangiriro zuku kwezi.

Aya makuru aremezwa n’umuvugizi w’ikipe ya Rayon Sports, Niyomusabye Aime Emmanuel.Kayiranga yagiye mu ikipe ya Rayon Sports uyu mwaka muri Werurwe asimbuye Andy Mfutila, ariko amasezerano ye akaba yagombaga kurangirana n’igikombe cy’Amahoro.

batista

Kayiranga afata iyi kipe yahawe inshingano eshatu:

1. Kayiranga yasabwe gusezerera Zamalek yatsinze Rayon Sports ibitego 3-1 mu mukino ubanza. BYARAMUNANIYE

2. Kayiranga yasabwe gutsinda imikino 15 muri shampiyona ku ikipe imaze gutsinda imikino ibiri mu mikino 13 iheruka muri shampiyona. BYARAMUNANIYE

3. Kayiranga yasabwe gutwara igikombe cy’ Amahoro uyu mwaka wa 2015, igikombe Rayon iheruka mu mwaka wa 2005. BYARAMUNANIYE

Rayon Sports igomba kureba niba uwo mutoza agomba gukomeza kuyitoza cyangwa se niba bagomba gushaka undi.

Niyomusabye avuga ko bari mu biganiro, ariko bishoboka ko yakomeza gutoza iyi kipe kuko basanga Kayiranga ntako atagize ngo yitware neza mu mikino yayitoje.

Kayiranga yafashije ikipe ya Rayon Sports kugera ku mukino wa nyuma w’igikombe cy’Amahoro (Peace Cup) ubwo iyo kipe yatsindwaga na Police FC.

Ntabwo ari ubwa mbere uyu mutoza abaye mu ikipe ya Rayon Sports, kuko yanayibayemo mu mwaka wa 2010.

Tanga igitekerezo na Facebook

Tanga igitekerezo