Rayon Sports iri mu itsinda rimwe na Gor Mahia na LLB muri CECAFA Kagame Cup

Yanditswe na Rwanda Football ku wa 05.06.2018 saa 13:19

Ikipe ya Rayon Sports izaba ihagarariye u Rwanda muri iri rushanwa iri mu itsinda B hamwe na LLB Academic yo mu Burundi, Gor Mahia yo muri Kenya na Ports yo muri Djibouti.

CECAFA izatangira ku itariki 28 Kamena 2018 isozwe tariki 13 Nyakanga 2018. Rayon Sports izahura na LLB Academic y’i Burundi yasezereye muri Total CAF Champions League. Iri kumwe kandi na Gor Mahia ziri mu itsinda rimwe muri Total CAF Confederation Cup zananganyije umukino ubanza i Kigali 1-1.

Umukino wa mbere Rayon Sports izawukina na Gor Mahia ku itariki 1 Nyakanga 2018. Umukino wa 2 Rayon Sports izakina na Ports tariki 3 Nyakanga 2018 naho tariki 4 Nyakanga 2018 isoze imikino y’amatsinda ikina na LLB.

Rayon yaherukaga guhura na Gor Mahia zinganya 0-0

CECAFA Kagame Cup ni irushanwa risanzwe rihuza amakipe yo muri aka karere ka Afurika y’Iburasirazuba aba yaratwaye ibikombe mu bihugu byayo. Riterwa inkunga na Perezida w’u Rwanda , Paul Kagame. Rayon Sports izaryitabira nk’ikipe yatwaye igikombe cya Shampiyona umwaka ushize.

Ryari rimaze imyaka ibiri ritaba kubera ibibazo by’imitegurire mibi. Muri 2015 ubwo riheruka kuba ryegukanywe na Azam FC yo muri Tanzania itsinze Gormahia yo muri Kenya ibitego 2-0.

Rayon Sports iheruka gutsinda LLB y’i Burundi

Icyo gihe APR FC niyo yari ihagarariye u Rwanda. Yasezerewe muri 1/4 itsinzwe na Al-Khartoum 4-0. Ni ibitego byatsinzwe na Khalid ku munota wa 10, Ibrahim watsinze 2: 21’, 39’ na Salaheldin ku munota wa 71.

Uko imikino ya CECAFA ipanze

Rayon Sports yisanze mu itsinda rya 2 ririmo amakipe nka LLB yatwaye igikombe cya shampiyona mu Burundi mu mwaka ushize, bahuye mu mikino y’amajonjora ya CAF Champions League,iri kumwe kandi na Gor Mahia yo muri Kenya, bahuriye mu itsinda D mu mikino ya CAF Confederation Cup na Port yo muri Djibouti.

Rayon Sports ishobora kutitabira iri rushanwa kuko izaba ikiri mu mikino ya shampiyona ndetse n’igikombe cy’Amahoro iramutse igeze muri ½.

AZAM niyo yatwaye CECAFA iheruka

Icyashimishije abantu ni uko amakipe 2 akomeye yo mu gihugu cya Tanzania ahora ahanganye cyane Simba SC na Yanga Africans yahuriye mu itsinda rya 3.

Rayon Sports nibasha kwitabira iyi mikino,izakina umukino wayo wa mbere ku wa 01 Nyakanga 2018 na Gor Mahia I Dar Es Salaam.

Itsinda A: AZAM FC (Tanzania), KCCA (Uganda), JKU (Zanzibar) na Kator FC (South Sudan)

Itsinda B: Rayon Sports FC (Rwanda), Gormahia (Kenya), LLB (Burundi) na Ports (Djibouti)

Itsinda C: Simba SC (Tanzania), St George (Ethiopia) na Dakadaha (Somalia) na Dakadaha (Somalia)

Tanga igitekerezo

Tanga igitekerezo