Rayon Sports iri mu biganiro na Richard Tardy

Ikipe ya Rayon Sports yatangiye kugirana  ibiganiro n’umutoza Richard Tardy kuba yayibera umutoza muri shampiyona izatangira mu mpera z’icyumweru gitaha.

Nkuko umuvugizi wa Rayon Sports Niyomusabye Emmanuel abitangaza ubuyobozi bwa Rayon Sports  bwatangiye kuvugana na Richard Tardy kuba yatoza iyo kipe .Emmanuel yagize ati “twatangiye kuvugana, ariko ntabwo biragira ahantu bigera, ni ibiganiro biri mu ntangiriro, ariko birumvikana ko dukeneye umutoza”.

Niyomusabye avuga ko niyo haba hasigaye ingingo imwe batari bumvikanaho byaba bitararangira, kuko hari n’igihe badashobora kuba bakumvikana.Ngo kandi hari ibyo uwo mutoza asaba nabo hakaba ibyo basabwa kugira ngo babe bakorana kandi bakaba babanza kumvikana.Emmanuel arangiza avuga ko kimwe n’abandi batoza nabo barimo kuvugana, bakaba bafite icyizere ko baza kubona umutoza mu gihe kiri imbere.

tardy

Rayon Sports iherutse gutakaza umutoza wayo Jean François  wigiriye gutoza muri Burkina Faso mu ikipe ya ASFA atararangiza amasezerano ye, akaba ariyo mpamvu yifuza gusha undi mushya byihuse. Jean François yashyize umukono ku masezerano y’ikipe ya Rayon Sports muri Nyakanga 2014.

Tardy yatoje ikipe y’igihugu y’abakinnyi batarengeje imyaka 17 kuva mu mwaka wa 2010 kugera 2014.Uyu mutoza yagejeje ikipe y’igihugu y’umupira w’amaguru y’abakinnyi batarengeje imyaka 17 mu gikombe cy’isi cyabereye i Mexique mu mwaka wa 2011, akaba ari nyuma yo kugera ku mukino wa nyuma w’irushanwa ry’igikombe cy’Afurika.

Kuri ubu ikipe ya Rayon Sports itozwa n’umutoza wungirije Habimana Sosthene , akaba ariwe ushobora gutangira ayitoza muri shampiyona.

Tanga igitekerezo na Facebook

Tanga igitekerezo