Rayon Sports irashaka uwasimbura Amissi Cedric

Yanditswe na Admin ku wa 14.07.2014 saa 13:04 | Yasuwe : 1,315

Ikpe ya Rayon Sports iri gushakisha ishyizeho umwete umukinnyi ukomeye wo gusimbura wa Amissi Cedric wamaze kwerekeza muri Mozambique mu ikipe yitwa Chibuto FC.

Uwo iri kwirukankaho cyane  nawe  akomoka i Burundi yitwa Kwizera Pierrot ndetse ategerejwe mu Rwanda muri icyi  cyumweru ngo bagirane ibiganiro nibinashoboka asinye amasezerano.

Kwizera Pierrot akina muri Cote d’ivoire mu ikipe yitwa Afad Jekano mu cyiciro cya mbere, akaba ari umukinnyi usanzwe akina hagati mu kibuga kimwe nka Cedric.

Ntampaka Théogene; perezida w’ikipe ya Rayon sports, yatangaje ko ibiganiro by’ingenzi n’uyu mukinnyi bamaze kubyumvikana kuri telefoni, igisigaye ari uko aza mu Rwanda bakabinonsora ndetse bakabishyira mu masezerano.

Amisi (2)                                                          Amissi Cedric ubwo yari agikinira Rayon Sports

Ntampaka yagize ati “nta gihindutse Pierrot azagera mu Rwanda mu cyumweru gitaha (icyi cyumweru ), azaba aje ngo tunoze ibiganiro twagiranye ubundi adusinyire amasezerano y’imyaka ibiri, ni umukinnyi mwiza turakeka ko azagira uruhare mu kuba ikipe yacu yatwara ibikombe mu mwaka uza.”

Umuyobozi wa Rayon Sports avuga ko ubundi bifuzaga ko Cedric yagumana nabo  , ariko kubera ko yamaze kubona indi kipe muri Mozambique bazamureka akishakira ayo amahirwe.Akomeza  ahakana kandi amakuru amaze iminsi avugwa mu bitangazamakuru ko Kabange Twite nawe bagiye kumugura.

Yagize ati “mperutse kumva abanyamakuru bavuga ko Kabange nawe tugiye kumugura ndetse twamuzanye ari muri imwe mu ma hoteli y’i Kigali, ibyo sibyo nka njye nka perezida ntabyo nzi, gusa turacyashaka abandi bakinnyi bo kudufasha, Kabange ariko ntitwari twamutekerejeho.”

Umuyobozi wa Rayon sports yemeza ko umukinnyi ikipe ye imaze kugura mushya ari Tubane James wenyine bakuye muri AS Kigali ariko bagishaka abandi bo kongeramo bashya.

Tanga igitekerezo na Facebook

Tanga igitekerezo