Rayon Sports inyagiye Isonga izakina Finale y’Igikombe cy’Amahoro

Yanditswe na Admin ku wa 30.06.2015 saa 19:24 | Yasuwe : 1,827

kuri uyu wa kabiri nimugoroba umukino wo kwishyura waberaga kuri stade ya Kicukiro  urangiye iyi kipe ya Rayon Sports inyagiye  Isonga FC 4 – 0 ihita ijya ku mukino wa nyuma w’igikombe cy’Amahoro

Ku giteranyo cy’ibitego byose byabaye bitandatu kuri kimwe mu mikino yombi. RayonSports ikaba itegereje kuzakina Finalen’ikipe izarokoka hagati ya  hagati ya APR FC na Police FC zizakina ejo.

Umukino ugitangira wabonaga Isonga isatira cyane izamu rya Bakame ariko uko iminota yagendaga niko Rayon Sports yagendaga yinjira mu mukino ku buryo yaje no kwiharira umukino.

ray2

Abakinnyi ba Rayon Sports bishimira igitego

Ku munota wa 24 umusore mushya witwa Bernard Uwayezu yatsinze igitego cye cya mbere kuri contre attaque asiga aba kabiri b’Isonga .Uyu mwana wavuye muri  Esperance yitwaye neza muri uyu mukino.

Igice cya mbere cyarangiye ari kimwe ku busa bw’Isonga yagerageje gukora iyo bwabaga bikanag nubwo hari aho yateye ku giti cy’izamu ikabona na koruneri nyinshi

Mu gice cya kabiri Rayon Sports yakomeje kwiharira umukino nubwo bwose Isonga FC yanyuzagamo igasatira biciye muri rutahizamu wayo Danny Usengimana ariko amashoti ye ntahungabanye umuzamu Bakame wa Rayon.

Isonga yagerageje gukina umukino wayo wo guhererekanya neza udupira tugufi vuba vuba ariko ntibitange umusaruro.Ibitego bitatu bindi bya Rayon byinjijwe na Kwizera Pierrot (54′), Djihad Bizimana kuri ‘coup franc’ nziza (70′)0na Frank Lomami (87′) ku ishoti rikomeye yatereye ku ruhande rw’ibumoso. Byose byagiyemo mu gice cya kabiri.

Abakinnyi b’Isonga FC bagaragaje umunaniro basa n’abatewe n’imbaraga nyinshi bakoreheje mu mukino ubanza aho bitanze cyane nubwo batsinzwe 2 – 1 i Muhanga.umukino wa none urangiye bamwe bahise barambarara hasi bagaragaza ko bananiwe.

APR FC  na Police FC  barishakamo ukina na Rayon

Mu mukino ubanza wa kimwe cya kabiri aha ku Kicukiro APR FC yari yakiriye Police FC binganya (1 -1) ku munota wa nyuma ubwo APR yari yatsinzwe ikishyura ku munota wa 85 ku gitego cya Mugiraneza JB  Migi.

Aya makipe yombi arahura ku mukino wo kwishyura kuri uyu wa gatatu aho yishakamo izakina na Rayon sports ku mukino wa nyuma uteganyijwe tariki ya kane Nyakanga 2015.

Rayon Sports yaherukaga kugera ku mukino wa nyuma mu 2010. Naho APR FC niyo yegukanye iki gikombe umwaka ushize.

Tanga igitekerezo na Facebook

Tanga igitekerezo