Rayon Sports ibonye intsinzi APR igaruka ku mwanya wa mbere

Yanditswe na Rwanda Football ku wa 22.03.2015 saa 22:39 | Yasuwe : 698

Kuri icyi cyumweru ku munsi wa 22 wa Shampiyona ikipe ya Rayon Sports yinyaye mu isunzu  itahukana  intsinzi imbere y’ikipe ya  Kiyovu Sports ku bitego 3-2 .

Ibitego bya Rayon Sports bitsinzwe na Ndayisenga Fuadi watsinze bibiri harimo kimwe cya penaliti na Lomami Frank naho ibitego bya Kiyovu Sports byatsinzwe na Kambale Salita Gentil na Baby Miami Mbakiye.

Ikipe ya APR FC yo  igarutse ku mwanya wa mbere nyuma y’uko APR FC inganyije na Mukura Victory Sports 1-1. Igitego cya APR FC cyatsinzwe na Ndahinduka Michel naho icya Mukura Victory gitsindwa na Dusenge Bertand.

Umutoza w’ikipe ya Rayon Sports, Habimana Sosethene atangaza ko yishimye kandi ashimira abakinnyi uko bitwaye muri uwo mukino. Habimana yagize ati “Kiyovu yahanganye na Rayon Sports mu myaka myinshi, kuko twe twari tutaravuka, ni ikintu cyiza byaba ku bakinnyi byaba no ku batoza. Wari umukino mwiza ukomeye ku mpande zombi amakipe yombi ashaka ibitego, twagize amahirwe yo kubona igitego mu gice cya mbere, ariko Kiyovu ni ikipe nziza mu busatirizi, kuko ibashije kubona ibitego 2”.

rayonkiyovu15
Habimana atangaza ko ayo manota bari bayakeneye kurusha Kiyovu, kuko bari bamaze iminsi batabona intsinzi.

Umutoza wa Kiyovu Sports Sports, Ally Bizimungu atangaza ko babuze amahirwe yo gutsinda muri uwo mukino, kuko bagiye babona uburyo bwinshi ariko ntibukoreshwe. Bizimungu avuga ko iyo babonye amahirwe ntibayakoreshe biha uwo bahanganye imbaraga.

Umukino wa Kiyovu Sports na Rayon Sports wabereye kuri Sitade Amahoro, ariko mu gice kabiri urangwa n’imvura nyinshi yaje guhita umukino ugiye kurangira.

APR FC igarutse ku mwanya wa mbere kuko irusha As Kigali ibitego gusa.

Tanga igitekerezo na Facebook

Tanga igitekerezo