Rayon na APR zirongeye zihuriye ku Mahoro muri shampiyona

Yanditswe na Admin ku wa 20.02.2015 saa 09:52 | Yasuwe : 943

Nyuma yo kwitwara neza mu mikino y’ibikombe by’Afurika, amakipe ya Rayon Sports na APR FC  arahura mu mpera z’icyi cyumweru ku munsi wa 18 wa shampiyona kuri Stade Amahoro i Remera.

Uyu mukino mpaka uba utegerejwe na buri mufana  muri shampiyona y’icyiciro cya mbere mu Rwanda, ikipe y’i Nyanza  iherutse gutandukana n’umutoza wayo mukuru Andy Mfutila kubera kumara imikino 10 nta ntsinzi, iracakirana n’ikipe y’ingabo z’igihugu nayo iherutse  gutandukana n’umutoza mukuru wayo umunya Serbia Petrovic   bivugwa ko yagiye kubera ko atumvikanaga n’ubuyobozi bwa APR FC.

Izi kipe zombi ziherutse mu mikino nyafurika y’amakipe yatwaye ibikombe mu bihugu byayo. Rayon Sport yagiye muri Cameroun itsinda umukino ubanza hanze igitego 1-0 bwa Panthere du Nde.

Avuga ku mutoza yari yungirije Sosthene Habimana ubu wagizwe umutoza mukuru wa Rayon Sport yatangaje koko ko batagize ibihe ibyiza bari kumwe na Mfutila ati “ Ntabwo twigeze tugira amahirwe kuko twamaze imikino icumi nta ntsinzi .Muri shampiyona twatsindiye ikipe ya Musanze iwayo none twabashije no gutsindara muri Cameroun, ikipe ubu imeze neza n’abakinnyi umwuka ni mwiza.”

Rayon_APR8

Ubuyobozi bw’ikipe ya Rayon Sports bukaba bwamaze kwemeza ko uyu mutoza Habimana azakomeza uyu murimo kugeza iyi shampionat irangiye.

APR yo ikubutse muri Mozambique aho yanganije umukino ubanza ubusa ku busa n’ikipe ya Liga Muculmana  de Maputo, umutoza wayo Mashami Vincent bakigera ku kibuga cy’indege i Kanombe yabwiye itangazamakuru ko ikipe ye ubu imeze neza.Yagize ati “Abakinnyi baracyafite morale nk’ibisanzwe, ndatekereza ko tugiye gukomeza gukora neza kurushaho.”

Ikipe ya Rayon Sport igiye kwakira mukeba ku munsi wa 18 wa shampiyona irushwa amanota  icumi kuko APR FC iri ku mwanya wa 1 n’amanota 35 Rayon ku mwanya wa gatatu n’amanota 25.Aya makipe umukino ubanza wa shampiyona uheruka kuyahuza wabereye kuri stade Amahoro urangira APR FC itsinze 2-1.

Dore ibiciro byo kwinjira muri uyu mukino :

rayapr15ibiciro

imikino yose y’umunsi wa 18 wa shampiyona:

Mukura VS vs    AS Kigali    Mumena    22/02/2015        15:30

Etincelles Fc vs    Espoir Fc    Tam Tam   22/02/2015        15.30

Isonga vs   SC Kiyovu  Ferwafa     22/02/2015        15:30

Amagaju Fc vs    Sunrise  FC  Nyamagabe        22/02/2015        15:30

Police Fc vs        Marines Fc  Kicukiro     22/02/2015        15:30

Musanze Fc vs    Gicumbi Fc        Musanze    22/02/2015        15:30

Rayon Sports vs APR FC      Muhanga    22/02/2015        15:30

 

Tanga igitekerezo na Facebook

Tanga igitekerezo