Rayon na APR zegukanye atatu mu mikino y’ibirarane

Yanditswe na Admin ku wa 15.04.2015 saa 20:40 | Yasuwe : 681

Amakipe APR Fc na Rayon Sports zegukanye amanota atatu bitazigoye mu mikino yazo ya mbere y’ibirarane y’umunsi wa 17 yabahuje n’amakipe akomoka mu karere kiI Rubavu Marines na Etincelles Fc.

Aya makipe yombi yari amaze iminsi asezerewe mu bikombe by’Afurika n’amakipe akomeye yo mu gihugu cya Misiri yari yakaniye kwihimura ku makipe ya hano muri shampiyona .

Iyi mikino yabereyekuri uyu wa gatatu i Kigali na Muhanga yarangiye APR Fc itsinze Marines ibitego 4-1 kuri Sitade ya Kicukiro naho Rayon Sports inyagira Etincelles ibitego 4-0 kuri Sitade ya Muhanga.

Rayon_APR8

Kuri Sitade ya Kicukiro, APR Fc yabonye amanota atatu nyuma yaho abasore Hervé Rugwiro, Fiston Nkezingabo, Abdul Rwatubyaye na Michel Rusheshangonga bayifashije kuyibonera ibitego bine.

Mugenzi Bienvenue niwe watsinze igitego rukumbi cya Marines Fc. Iyi tsinzi yafashije APR Fc gusubira ku mwanya wa mbere n’amanota 44 mu mikino 21, ikaba inarusha AS Kigali umubare w’ibitego izigamye (+25) nubwo aya makipe yombi aganya amanota.

APR Fc isigaje gukina na Gicumbi Fc kugirango yuzuze imikino 22 imaze gukinwa n’anandi makipe.

I Muhanga, ibitego bya Fuadi Ndayisenga, Aphrodis Hategikimana na bibiri bya Kevin Ishimwe byari bihagije guha ikipe ya Rayon Sports amanota atatu yatumye izamuka ku mwanya wa gatanu n’amanota 30.

Shampiyona irakomeza mu mpera z’iki cyumweru n’imikino y’umunsi wa 23.

Uko niko amakipe azahura ;
Kuwa Gatandatu, 18/04/2015

Police vs Musanze (Kicukiro)
Mukura vs Isonga (Muhanga)
Kiyovu vs Gicumbi (Mumena)
Sunrise vs Espoir (Rwamagana)

Ku Cyumweru, 19/04/2015
APR vs Amagaju (Mumena)
AS Kigali vs Rayon Sports (Muhanga)
Marines vs Etincelles (Tam Tam)

Tanga igitekerezo na Facebook

Tanga igitekerezo