Police yegukanye igikombe cy’Amahoro 2015 itsinze Rayon Sports

Yanditswe na Admin ku wa 04.07.2015 saa 23:11 | Yasuwe : 1,595

Ikipe ya Polisi y’igihugu y’umupira w’amaguru yegukanye igikombe cy’Amahoro cy’uno mwaka nyuma yo gutsinda Rayon Sports igitego 1 ku busa mu mukino wa nyuma wakiniwe kuri Sitade Amahgoro i Remera.

Uyu mukino wari witabiriwe n’abantu benshi cyane bari bakubise buzuye sitade wabanjirijwe n’uw’umwanya wa gatatu aho ikipe ya Apr yasnyagiye Isonga ibitego 5-0 harimo bitatu bya Mubumbi Barnabé

Umukino nyirizina watangiye ikipe ya Police ikinisha ingufu nyinsi naho Rayon Sports yitonda igahana neza umupira ku buryo yahushije ibitego byinsi ibindi bikajyamo umusifuzi akabyanga, ibintu bitashimishije abakunzi benshu bayo bikomye cyane abasifuzi kugeza naho batemeye igitego batsinzwe hasigaye iminota 3 ngo umukino urangire.

Mu gice cya mbere abasore ba Kayiranga Batisita ntako batagize ngo babone igitego ariko biranga kuko umutoza wa Police Cassa Mbongo André yakinishaga cyane abo hagati barebare bagaruraga imipira yose.Abasore nka Peter Otema na Kwizera Pierre bigaragaje ku ruhande rwa Rayon Sports naho Jacques Tuyisenge na Eric Ngendahimana watsinze igitego bigaragaje muri Police FC

Igice cya mbere cyarangiye amakipe yose anganya 0-0.

policecup15

Mu gice cya kabari ikipe yaje yahinduye imikinire noneho itambaza umupira imerera nabi Rayon Sports ku buryo igitego kimwe cya Police FC cyinjijwe na Ngendahimana Eric ku munota wa 87, umunota umwe gusa Batisita asimbuje Usengimana Faustin wagize ikibazo cy’imvune ye akinjizamo Niyonkuru Vivien.

Muri rusange abakurikiye uno mukino ntibishimiye imisifurire bavuga ko yar ibogamiye ku ikipe ya Police FC.

Ibyo abatoza n’abakinnyi batangaje kuri uyu mukino:

Casa Mbungo André umutoza Police FC yabwiye abanyamakuru ko Imana yamugiriye ubuntu ati”ndishimye kandi nibaza ko Imana izakomeza kubana nanjye kugira ngo muri Police n’ahandi hantu nzakomeze gutwara ibikombe”.

Kayiranga Jean Baptiste umutoza wa Rayon Sports yagize ati” twatsinzwe kimwe nuko natwe hari ibyo twatsinze ntibijyemo ibindi bikajyamo ariko njye ndashima Imana yo mu ijuru mvuga ngo nuko twagize Imana tukamenya Imana ndavuga ngo nitugira Imana n’abayobora mu kibuga cy’umupira w’amaguru bakamenya Imana tuzashimana Imana”. Aha yashakaga kuvuga ko igitego cya mbere bari bagitsinze, ariko umusifuzi ntiyacyemera, ariko babyakiriye.

Umukinnyi Bizimana Djihad ukinira Rayon Sports we yavuze ko Police ntacyo yabarushije, ariko yagize amahirwe ku munota wa nyuma igatsinda ati”si umupira baturushije ni amahirwe”.

Ikipe ya mbere ari yo Police FC yahembwe igikombe na miliyoni enye z’amafaranga y’u Rwanda, iya kabiri (Rayon Sports) ihabwa miliyoni ebyiri na ho APR FC yagatatu yahawe miliyoni.

Casa Mbungo André utoza Police FC niwe wahawe igihembo cy’umutoza mwiza aho yagenewe Decoderi ya sosiyete ya Azam kimwe n’umukinnyi mwiza aba Bizimana Djihad ukinira Rayon Sports

Abakinnyi babanjemo ku  mpande zombi :

Rayon Sports

Ndayishimiye Eric, Rukundo JMV, Kanamugire Moses, Tubane James, Usengimana Faustin, Bizimana Djihad, Uwayezu Bernard, Kwizera Pierre, Peter Otema, Irambona Eric na Imanishimwe Emmanuel.

Police FC

Mvuyekure Emery, Mpozembizi Mohamed, Uwacu Jean Bosco, Turatsinze Hertier, Twagizimana Fabrice, Ngendahimana Eric, Tuyisenge Jacques, Nshimiyimana Imran, Ntamuhanga Tumaini, Nshuti Idesbard, Habyarimana Innocent

Tanga igitekerezo na Facebook

Tanga igitekerezo