Police Fc ikazakina finale y’igikombe cy’Amahoro na Rayon Sports

Yanditswe na Admin ku wa 01.07.2015 saa 19:51 | Yasuwe : 1,380

Police FC izakina na Rayon Sports mu mukino wa nyuma w’igikombe cy’Amahoro uzabera kuri Sitade Amahoro kuwa 4 Nyakanga 2015.

APR FC yananiwe kwigaranzura  Police FC  birangira ari ubusa ku busa, ariko kuko Police yari yanganyije na APR FC 1-1 mu mukino ubanza aba ariyo ikomeza ku mukino wa nyuma.

Muri uyu mukino  wabereye kuri uyu wa gatatu kuri Sitade ya Kicukiro APR FC yihariye umukino ariko kugirango ibone icyo gitego kimwe cyari gikenewe byayibereye ikibazo nyuma yaho umunyezamu wa Police Emery Mvuyekure yitwaye neza mw’izamu rye.

Mvuyekure yakoze akazi katoroshye ubwo yakuragamo imipira itatu yari yabazwe ya ba Rutahizamu b’  APR barimo  Michel Ndahinduka , Michel Rusheshangonga na Jean Baptista Mugiraneza APR Fc yari kuba yagoye ikipe ya APR Fc.

Abakinnyi  Mwemere Ngirishuti, Mvuyekure Emery na Nshimiyimana Abdoul bakinira Police babonye ikarita y’umuhoro. Nshutiyamagara Ismael bita Kodo wa APR FC nawe yabonye ikarita y’umuhondo.

policerayon15

Iranzi Jean Claude yasimbuwe na Sibomana Patrick bita Papy, Iradukunda Bertrand asimbura Rwigema Yves, Ngoma Hegman asimbura Rusheshangoga Michel ku ruhande rwa APR FC.

Uwacu Jean Bosco yasimbuye Mpozembizi Mouhmed, Nshimiyimana Amran asimburwa na Kalisa Rachid mu gihe Nshuti yasimbuwe na Nshimiyimana Abdoul ku ruhande rwa Police.

Kurangiza amakipe yombi anganya 0-0 byatumye ikipe ya APR Fc isezererwa ku nshuro ya mbere mu mateka y’igikombe cy’amahoro. APR Fc izahura na Isonga Fc ku mukino w’umwanya wa Gatatu.

Nyuma y’umukino umutoza w’ikipe ya Police FC, Casa Mbungo André yavuze ko umukino bakinnye na APR FC wari ukomeye cyane . Casa avuga ko ntacyo yarushije APR FC, ahubwo ari ubuntu bw’Imana yabafashije kandi bakaba babonye uburyo bwashoboraga kuba bwatanze ibitego.

Yakomeje agira ati ” APR yakinnye neza cyane mu minota ya nyuma, ariko nibaza ko twagerageje kujera iyo minota”.

Kapiteni w’ikipe ya Police FC, Tuyisenge Jacques atangaza ko byabashimishije gutsinda uwo mukino, ariko muri uyu mwaka bagize ibibazo by’abakinnyi bagiye bavamo.

Umutoza wa APR FC, Mashami Vincent atangaza ko ikipe ya Police yakiniye inyuma uwo mukino bikayihesha itike yo kugera ku mukino wa nyuma. Mashami avuga ko abakinnyi ba Police bashakaga kurakaza aba APR, ariko byose bikaba ari iby’umukino.

Ikipe izatsinda umukino wa mbere izahabwa amafaranga y’u Rwanda angana na Miliyoni Enye (4m) naho iyakabiri ihabwe Miliyoni Ebyiri (2m) mu gihe iya gatatu izahabwa Miliyoni Imwe (1m).

Umufatanya bikorwa wa Ferwafa, Azam TV izatanga decoderi za Azam TV zizagaragaraho imiyoboro (channels) y’amateleviziyo arenga 140 kuri muntu uzaba ari mu ikipe ya 25 izatsinda umukino wanyuma.

Ikipe izegukana igikombe cy’amahoro izahagararira u Rwanda mu mikino nyafurika ya CAF Confederation Cup mu mwaka wa 2016.

Gahunda irambuye y’umunsi wa nyuma w’igikombe cy’amahoro
14:20 : Imikino y’Imbuto Foundation

17:00 Umukino w’umwanya wa Gatatu
APR Fc vs Isonga FC

19:00 : Umukino wa Nyuma (Final)
Rayon Sports vs Police FC

Tanga igitekerezo na Facebook

Tanga igitekerezo