Police FC yasezereye abakinnyi 12 igura 14 yatangiye imyitozo

Yanditswe na Admin ku wa 28.07.2015 saa 00:41 | Yasuwe : 1,801
Kuri uyu wa mbere ubwo hatangizwaga imyitozo y’ikipe ya Police FC bitegura shampiyona itaha umuyobozi wa Polisi y’igihugu IGP Emmanuel Gasana yavuze ko Police FC yarekuye abakinnyi 12 ikazana 14 bashya.
Ati ” Police FC ni isura ya Polisi, ariko ikongera ikaba ishusho y’Abanyarwanda bose, Abanyarwanda bibonamo bumva ibijyanye na Polisi ari uburyo bwo kubaho neza, bakava mu bibazo babaho bishimye mu mutekano n’amahoro bagasabana”.
Umukuru wa Police yakomeje agira ati”turi kumwe mu kazi mukora, muri iyo ntsinzi no kubaha ibyagombwa bituma tugomba gutsinda, ubumenyi, ubushobozi, morale no kubategura neza bihagije, ni ugutegura ikipe kugira ngo itsinde, ntabwo itegurwa n’umutoza gusa harimo n’ubuyobozi”.
police1415a
Hegman Ngomirakiza na Robert Ndatimana bahoze mu bakipe makeba ubu bahuje urugwiro muri Police FC
Abakinnyi 14 nibo binjiye mu ikipe ya Police FC uyu mwaka, ariko hakaba hari n’abo basezereye 10.
Abakinnyi bahawe amasezerano muri Police FC uko ari 14:
Mushimiyimana Mohamed, Neza Anderson, Ndatimana Robert, Muganza Isaac, Turatsinze Hertier, Ngomirakiza Hegman, Tuyisenge Hakim, Muvandimwe  Jean Marie Vianney, Hakizimana Irambona Japhet, Umwungeri Patrick (amasezerano  yari afite muri As Kigali Police FC yarayaguze), Uwihoreye Jean Paul, Bwanakweri Emmanuel, ariko Songa Isaie bakaba batarumvikana neza.
Umukinnyi mushya muri Police FC, Ndatimana Robert atangaza ko yiteguye gukorera ikipe afatanyije na bagenzi be kugira ngo bitwara neza.
Ati ” nari narabitekereje kuba naza muri Police FC, na mbere jya kugenda muri Rayon Sports twabanje kuvugana, ariko ubu nayigezemo”.
Umutoza w’ikipe ya Police FC, Casa Mbungo André atangaza ko bakoranye imyitozo ya mbere n’abakinnyi bashya bagiye kumenyerana n’abandi bari basanzwe.
police1415
abakinnyi basezerewe n’ikipe ya Police Fc uko ari 10: Emmanuel Sebanani, Uwacu Jean Bosco, Uwiringiyimana Amani, Uwimana Jean d’Amour, Habamahoro Vicent, Dusabimana Pascal, Twagirayezu Innocent, Nshimiyimana Abdu, Bizimungu JMV,Murasandanyi Jacques mu gihe Ntamuhanga Tumaine bataramenya ibye, kuko yari yaramutijwe na APR FC ariko akaba yarasubiyeyo.
Mu bakinnyi batangiye imyitozo muri Police FC harimo umukinnyi uri mu igeragezwa ari we Gahonzire Olave.
Tanga igitekerezo na Facebook

Tanga igitekerezo