Perezida wa FERWAFA yerekeje mu busuwisi muri FIFA

Yanditswe na Admin ku wa 23.06.2015 saa 07:59 | Yasuwe : 935

Ishyirahamwe ry’umupira w’amaguru ku isi “FIFA” ryemeye gufasha  u Rwanda kubaka Hoteli y’inyenyeri 4 izajya ifasha ishyirahamwe ry’umupira w’amaguru “FERWAFA”  gucumbikira ikipe y’igihugu ndetse n’andi makipe  aza mu Rwanda bityo amafaranga yagendaga kuri ibyo akoreshwe mu kuzamura umupira w’amaguru.

Nyuma y’aho Perezida wa FIFA, Sepp Blatter yeguriye ku mirimo ye benshi batekereje ko uyu  munshinga ushobora guhita uhagarara. Nk’uko tubikesha FERWAFA, Nzamwita Vincent De Gaule  ari mu Busuwisi aho  aho yagiye mu nama n’abayobozi bakuru ba FIFA.

rp_degaulle-e1411744937777.jpg

Uyu munsi ku wa mbere taliki ya 22 Kamena 2015 akaba aribwo  aza kuganira  n’umunyamabanga mukuru wa FIFA, Jerome Valcke ku bijyanye n’inkunga yo kubaka  Hoteli   y’inyenyeri 4 ndetse n’ibindi bikorwa byo guteza imbere  umupira w’amaguru mu Rwanda.

Iyi Hoteli izubakwa iruhande rw’ahari icyicaro cya FERWAFA  hakoreraga Polisi y’igihugu ariko Leta y’u Rwanda ikaba iki kibanza yaramaze kugiha FERWAFA. Imirimo yo kubaka iyi Hoteli ikaba ishobora gutangira muri Nyakanga 2015. Iyi Hoteli nk’uko FERWAFA ibitangaza izarangira itwaye miliyari 4 z’amafaranga y’u Rwanda.

hotelferwafa

Tanga igitekerezo na Facebook

Tanga igitekerezo