Perezida wa Espoir FC yasabye kwegura

Yanditswe na Rwanda Football ku wa 17.06.2015 saa 09:55 | Yasuwe : 1,052

Gatera Egide, wari perezida wa Espoir FC yandikiye ubuyobozi bw’akarere ka Rusizi abusaba kumwemerera kuva  k’ubuyobozi bw’iyi ikipe, ku mpamvu z’akazi kenshi asigaye afite.

Nk’uko  yabibwiye Imvaho Nshya dukesha iyi nkuru,  kuwa kane  w’icyumweru  gishize  nibwo  yagejeje ibaruwa  ku buyobozi  bw’Akarere ka Rusizi   asaba kwegura ku mpamvu  z’uko asigaye afite  inshingano  nyinshi zo  gukurikirana abakozi  mu karere  ka Rusizi  aho n’ubundi  asanzwe akora nk’umuyobozi   w’ubuzima muri aka karere.

Gatera-Egide

Yagize ati : “Mfite akazi  kenshi muri iyi  minsi  mu karere,  mfite  imirimo  myinshi  yo  gukurikirana abakozi. Nagaragaje ko  akazi  k’ikipe ari kenshi. Ni  ubusabe  bushobora kwemerwa cyangwa bukangwa ”

Ku byo kumenya impamvu akazi kabaye  inzitizi muri  iyi  minsi,  mu gihe cyose cy’umwaka yarimo ayobora Gatera yari asanzwe abifatanya  yagize  ati “Uyu  munsi umupira ukomeje kuzamuka. Usigaye usaba kuzamura  abana no  kubaka ibibuga n’ibindi. Kubifatanya n’imihigo  biba bigoye”.

Espoir FC ikomeje  kwitegura umukino w’igikombe cy’amahoro  uzabahuza na Vision JN ku wa Gatatu i Muhanga  saa saba n’igice ( 13h30).

Tanga igitekerezo na Facebook

Tanga igitekerezo