Perezida, umunyamabanga n’umubitsi muri Kiyovu Sports beguye

Yanditswe na Admin ku wa 31.07.2015 saa 03:11 | Yasuwe : 1,092

Mu nama rusange yahuje abakunzi ba Kiyovu Sports kuri uyu wa Gatatu bakiriye ubwegure bw’umuyobozi wayo, umunyamabanga n’umubitsi maze hatorwa komite y’abantu barindwi yo kuyobora by’agateganyo amezi atandatu.

Si ubwa mbere Kayumba Jean Pierre yeguye kuyobora Kiyovu Sports yabaye iya cyenda muri shampiyona kuko ubwo shampiyona ya 2014-2015 yari yegereje gutangira yeguye ku mpamvu bwite ayigarukamo nyuma y’amezi abiri gusa.

Muri iyi nama y’inteko rusange yabaye kuri uyu wa Gatatu, umuyobozi w Kiyovu Sports, Kayumba Jean Pierre; umunyamabanga Byumvuhore Muddy n’umubitsi beguye hashyirwaho komite y’agateganyo igizwe n’abantu barindwi yo kuziba icyuho cy’amezi atandatu.

kiyovucomite

Kayumba Jean Pierre (hagati) n’umunyamabanga we Byumvuhore Muddy (iburyo) batanze ubwegure buremerwa mu nteko rusange ya Kiyovu Sports

Issa Radjabu yabaye umuyobozi w’agateganyo wungirijwe na Mukanoheli Saidati na Karekezi Eric.Umunyamabanga yagizwe Manirarora Elie, Gashumba Damas aba umubitsi, Rwambibi Emmanuel ni umuyobozi wa tekiniki naho Maître Napoleon aba umujyanama mu by’amategeko.

Shampiyona yarangiye Kiyovu Sports iri ku mwanya wa cyenda itsinzwe imikino 10 inganya 8 itsinda 8, Bizimungu Ali wari umutoza yarirukanwe bivugwa ko bari mu biganiro na Kanamugire Aloys wayihesheje igikombe cya shampiyona mu 1993.

Tanga igitekerezo na Facebook

Tanga igitekerezo