Peace Cup: Bugesera yihanije Muhanga 4-0 izahura na APR FC muri 1/4

Yanditswe na Rwanda Football ku wa 16.05.2017 saa 20:47 | Yasuwe : 107

Umukino wo kwishyura wa 1/8 cy’igikombe cy’amahoro wahuzaga ikipe ya Bugesera FC na As Muhanga i Nyamata, urangiye Bugesera itsinze Muhanga ibitego 4-0, iyisezerera mu gikombe cy’amahoro ku bitego 4-1 mu mikino yombi.

AS Muhanga yari yatsinze igitego 1-0 mu mukino ubanza, yananiwe kwihagararaho muri uyu mukino, itsindwa hakiri kare ibitego birimo ibya Iradukunda Bertrand na Ikechukwu Samson mu gice cya mbere mu gihe Bigirimana Shaban yatsindiye iyi kipe y’i Nyamata ibindi bitego mu gice cya kabiri.

Bugesera izacakirana na Apr muri 1/4

Gutsinda uyu mukino kuri Bugesera FC, bivuze ko ikomeje muri 1/4 ku bitego 4-1, aho izahura na APR FC, imikino iteganyijwe mu kwezi gutaha kwa gatandatu.

Umutoza wa Bugesera FC; Kanyankore Gilbert ’Yaounde’ watsindaga umukino wa mbere mu mikino ine muri iyi kipe y’i Nyamata, azaba ahura na APR FC yamuhaye akazi mbere y’uko uyu mwaka w’imikino utangira, ariko ikaza kumusezerera nyuma y’iminsi 43!

Tanga igitekerezo na Facebook

Tanga igitekerezo