PDG Brenda Tandy agiye gutera inkunga ikipe ya ASPOR

Yanditswe na Admin ku wa 24.06.2015 saa 17:56 | Yasuwe : 869

Ikipe yo mu cyiciro cya kabiri Aspor F C  yo mu Karere ka Kicukiro  yamaze kubona umuterankunga witwa  usanzwe umenyerewe mu bikorwa by’ubucuruzi mu Bufaransa, Ububiligi na Congo Brazzaville.

Uyu Pdg Brenda Thandi  yari asanzwe ari umugore wa Désire Mbonabucya wamenyekanye mu ikipe y’igihugu Amavubi mu myaka ya cyera ariko bakaba batakiri kumwe nkuko byanditswecyane n’itangazamakuru.

Rwamanywa Eugène; perezida w’ikipe ya Aspor, yavuze ko Brenda bamaze kumvikana kuzajya atera inkunga iyi kipe ku byo ikeneye byose, ndetse uyu muherwekazi w’umunyarwanda ngo akaba ateganya kuza i Kigali gutangiza imishinga ye irimo Supermarket ikomeye akabona n’umwanya wo gukurikirana ikipe atera inkunga.

brenda

Rwamanywa yagize ati “ubu twamaze kubona umuterankunga ariwe Brenda Thandi, abenshi baramuzi kuko mu minsi ishize yakundanaga na Désiré Mbonabucya, Brenda yatwemereye ko icyo dukeneye cyose azajya akiduha, twamwohereje ingengo y’imari y’ibyo twakoresha ku mwaka, ubu yatwemereye ko azabyohereza, ariko ubu yatwoherereje imyambaro mishya, ibikoresho byo gukinisha n’ibindi mu gihe we ataraza i Kigali.”

Uyu muyobozi wa Aspor avuga ko bateganya ikiganiro n’itangazamakuru kuri uyu wa gatatu tariki 24 Kamena 2015, kugira ngo bagaragaze imishinga yose bemeranyijwe na Brenda mu gihe azaba abatera inkunga.

Rwamanywa akomeza avuga ko usibye kubatera inkunga y’ibyo bakeneye byose, uyu muterankunga wabo azajya anabagenera amafaranga yo kugura umukinnyi Aspor yifuza wese.Rwamanywa avuga ko iyi kipe nayo izajya yamamariza uyu muherwe.

Amakipe 8 yabonye itike yo gukina imikino ya ¼ ya shampiyona y’icyiciro cya kabiri : Aspor,La Jeunesse, United Stars na Nyagatare mu itsinda rya mbere, Bugesera, Sorwathe, As muhanga na Rwamagana mu itsinda rya kabiri.

Aspor izahura na Rwamagana muri 1/4 . Kuva iyi kipe yabaho ntiragira amahirwe yo kuzamuka mu cyiciro cya mbere.

Tanga igitekerezo na Facebook

Tanga igitekerezo