Papa Claude yagarutse muri Mukura

Yanditswe na Admin ku wa 30.01.2015 saa 09:21 | Yasuwe : 788

Nahimana Claude bita Papa Claude wari warerekeje mu Burundi yamaze kugaruka mu Rwanda mu ikipe ya Mukura Victory Sports.

Okoko Godfroid umutoza w’ikipe ya Mukura Victory Sports yatangaje ko Papa Claude yamaze kugera mu Rwanda agiye kubakinira mu mikino izaba mu minsi iri imbere.Yagize ati “yaraye ahageze yakoze imyitozo, yari yaje kuva kera, ariko asubirayo, ni umukinnyi wacu kuva kera gusa hari akantu gato kaburaga”.Okoko avuga ko uwo mukinnyi bagomba kumukinisha mu mikino ya shampiyona nta kibazo gihari.

papaclaude

Okoko yagize ati “mu ikipe habamo ibyiciro by’abakinnyi, kuko ikipe ikenera umukinnyi ufite ubunararibonye, we iyo arimo akina aba ashyira ku murongo abandi, ashobora gufata icyemezo bituma n’abakinnyi bakiri bato bamwigiraho.Ni nyuma y’uko uwo mukinnyi yari yerekeje mu Burundi mbere y’uko imikino ya shampiyona 2014-2015 itangira.

Uyu mukinnyi yari yashatse gukinira ikipe ya Vital’O yo mu Burundi, ariko ntibyamworohera, kuko yari agifite amasezerano na Mukura.

Kubera kugira amasezerano mu ikipe ya Mukura, Federasiyo y’umupira w’amaguru mu Burundi yamwimye ibyangombwa bituma atabona uko yakina bigendanye n’uko yari afite ibyo kuba yakina mu Rwanda.

Papa Claude yari yarashatse ibyangobwa by’ibihimbano kugira ngo akinire Vital’O, ariko nyuma biza gutahurwa.

Tanga igitekerezo na Facebook

Tanga igitekerezo