Onesme yafashije Mukura VS gutsinda Etincelles, ihita ijya imbere ya Rayon Sports

Yanditswe na Rwanda Football ku wa 04.02.2019 saa 20:08

Ikipe ya Mukura VS yabashije gutsinda Etincelles FC ibitego 2-1 mu mukino w’ikirarane wo ku munsi wa 14,bituma ifata umwanya wa 2 wari umaze iminsi ufitwe na Rayon Sports.

Imbere y’abakunzi bayo kuri stade ya Huye,Mukura VS yatsinze Etincelles ibitego 2-1 byose byatsinzwe na Twizerimana Onesme,mu mukino wabonetsemo ikarita itukura yahawe kapiteni Ciza Hussein ku munota wa 83.

Twizerimana Onesme yafashije Mukura VS gufungura amazamu ku munota wa 37 w’umukino ndetse bituma irangiza igice cya mbere iyoboye umukino.

Twizerimana Onesme

Mukura VS yagerageje kuryama kuri iki gitego cyayo ariko iza gukomwa mu nkokora n’ikarita ya kabiri y’umuhondo yahawe Ciza Hussein bikamuviramo gusohorwa mu kibuga,yaje kwishyurwa igitego ku munota wa 86 na Nshimiyimana Abdou kuri penaliti.

Mukura VS yanze gutenguha abafana bayo bari baje kuyishyigikira,bituma ibona igitego cy’intsinzi ku munota wa 90 gitsinzwe na Onesme Twizerimana ku mupira yahawe na Gael Duhayindavyi.

Mukura VS isigaranye umukino umwe w’ikirarane izakina na Gicumbi FC kuwa 07 Gashyantare 2019,yahise ikura Rayon Sports ku mwanya wa kabiri aho igize amanota 33 inyuma ya APR FC ifite amanota 35 mu gihe Rayon Sports ifite 31 ku mwanya wa gatatu.

Urutonde : 

Pos   Team Pld W T L GoalsDiff Pts
1 APR FC 23 17 3 3 35 - 9+26 54
2 Rayon Sports 23 16 3 4 32 - 11+21 51
3 Mukura VS 23 14 6 3 28 - 15+13 48
4 Kiyovu Sports 23 11 5 7 26 - 15+11 38
5 Police FC 23 11 4 8 33 - 26+7 37
6 Espoir FC 23 9 4 10 26 - 30-4 31
7 Sunrise FC 23 8 6 9 24 - 25-1 30
8 As Kigali 22 7 8 7 28 - 20+8 29
9 As Muhanga 23 7 8 8 33 - 29+4 29
10 Marines FC 23 7 8 8 19 - 190 29
11 Musanze FC 23 7 5 11 19 - 28-9 26
12 Etincelles FC 23 7 3 13 21 - 27-6 24
13 Bugesera FC 22 5 9 8 20 - 29-9 24
14 Gicumbi FC 23 6 5 12 14 - 35-21 23
15 Kirehe FC 23 3 8 12 11 - 29-18 17
16 Amagaju FC 23 4 3 16 17 - 39-22 15
Tanga igitekerezo