Nzamwita De Gaulle yasabye imbabazi abanyarwanda ku bw’amagambo yatangaje

Yanditswe na Rwanda Football ku wa 23.03.2017 saa 21:38 | Yasuwe : 84

Nyuma y’aho atangarije ko u Rwanda rusa nk’aho rutagiye muri CAN kubera rwakinishaga abanyamahanga, Perezida wa Ferwafa yasabye imbabazi abanyarwanda avuga ko yagowe n’ururimi rw’ikinyarwanda.

Mu kiganiro yagiranye na Televiziyo y’u Rwanda kuri uyu wa kane , Nzamwita Vincent de Gaulle yatangaje ko asaba imbabazi abanyarwanda, by’umwihariko abagize uruhare ngo u Rwanda rujye mu gikombe cy’Afurika mu mwaka wa 2004, by’umwihariko abari bagize iyo kipe.

Degaulle ubwo yatangazaga amagambo yateje ibibazo

Yagize ati : “Mfashe uyu mwanya ngo nsabe imbabazi abanyarwanda, sinavuga ngo igihugu nticyagiyeyo kuko cyagiyeyo mu mateka birazwi, ndasaba imbabazi ku kutavuga ururimi neza, ndasaba izi mbabazi mu bashyizemo imbaraga bose ngo tujye muri CAN. Abahoze bakinira Amavubi turabakeneye, ntabwo hazamo gahunda yo gushwana, ndabasaba imbabazi, ubutumwa nashakaga gutanga kwari ukugira ngo tuzajyeyo dukomeye, nabwira abanyarwanda bose byababaje ko nashakaga ko kuba twajayo tukagumayo ari byo nashakaga kuvuga

Aya magambo umuyobozi wa Ferwafa yari yayatangaje kuri uyu wa kabiri mu kiganiro yagiranye n’itangazamakuru mu gikorwa cyo kwerekana umutoza mushya w’Amavubi, aho bitishimiwe n’abakunzi b’umupira w’amaguru, by’umwihariko abajyanye Amavubi muri CAN barimo Mbonabucya Desiré, Karekezi Olivier, Katawuti n’abandi

Tanga igitekerezo na Facebook

Tanga igitekerezo