“Nta kintu na kimwe navuganye na Rayon Sport” Mutuyimana Moussa

Kasereka Fabrice wabatijwe Mutuyimana Moussa wari kapiteni wa Police FC  yamaze gutangaza ko nta kintu na kimwe yigeze avugana na Rayon Sport nk’umukinnyi bivugwa ko yamaze kugurwa n’iyi kipe.

Nyuma y’ibimaze iminsi bivugwa ko Mutuyimana Moussa yaba adashaka kwerekeza I Nyanza muri Rayon Sport dore ko ataranagaragara  mu myitozo na rimwe muri iyi kipe, umukinnyi nyirizina yagize ibyo atangariza itangazamakuru ku mpamvu nyamukuru ituma atitabira imyitozo ya Rayon Sport.

Njye nta kintu na kimwe nigeze numvikana na Rayon Sport nyirizina, Ikipe yumvikanye na Police fc twakiniraga umwaka ushize ariko nk’umukinnyi ntacyo twavuganye. Mfite byinshi nakumvikanaho na Rayon Sport ku giti cyanjye ,Njye ni ndamuka nigendeye ntihazagire uvuga ko nahemukiye ikipe kuko ntabiganiro nigeze ngirana na Rayon sport.”Mutuyimana Moussa

Mussaausa

Uretse kuba Moussa nta biganiro aragirana na Rayon Sport nkuko ubwe nyirizina abitangaza, ngo n’ikipe yamureze yo kuri Goma nayo yamaze kwaka indezo muri Rayon Sport. Ku ruhande rw’ubuyobozi bwa Rayon Sport baratangaza ko ibyerekeye indezo bireba Police fc kuko bajya kumugura ntabyo bari bimvikanye.

Kugeza ubu Mutuyimana Moussa bivugwa ko yamaze kugurwa na Rayon Sport ava muri Police, ntaritabira imyitozo na rimwe iNyanza mu gihe abandi bakinnyi hafi ya bose bakomeje imyitozo.

Moussa yaguzwe muri Police fc ari kumwe na Sina Jerome nyuma yaho Police isanze aba bakinnyi barabeshye ko ari abanyarwanda kandi ari abanyamahanga, ibintu bidahuye na gahunda iyi kipe yihaye mu myaka 2 ishize.

Tanga igitekerezo na Facebook

Tanga igitekerezo