Nshimiyimana Canisius wakiniye Mukura n’Amavubi yanditse igitabo

Yanditswe na Admin ku wa 10.06.2017 saa 10:52 | Yasuwe : 70

Nshimiyimana Canisus wakiniye ikipe ya Mukura Victory Sports ndetse n’ikipe y’igihugu Amavubi, yatangaje ko yanditse igitabo kivuga ku buzima bwe mu mupira w’amaguru ndetse no kuri ruhago Nyarwanda muri rusange.

Icyo gitabo cyanditswe mu rurimi rw’icyongereza, Nshimiyimana avuga ko ateganya kugisohora mu mpera z’ukwezi k’Ugushyingo 2017.

Yanditse igitabo cy’ubuzima bwe mu mupira w’amaguru mu rwego rwo kumenyekanisha umupira wo hambere no gukundisha abana gusoma

Ni igitabo ngo kigamije gukundisha abakiri bato gusoma, kinabafasha kumenyekanisha umupira w’amaguru wo hambere.Canisius yagize ati :” Iki gitabo gikubiyemo ubuzima bwanjye, ibirometero nakoraga n’amaguru nkajya mu myitozo ya Mukura, ifunguro ridahagije n’abantu bamfashije ndetse n’ibibuga nakiniyeho.Harimo kandi abakinnyi mbona b’ibihe byose, nkanavuga ukuntu amafaranga ya mbere nabonye nahise nyagura igare ry’ibihumbi 6500 n’ibindi.”

Yakiniye Mukura igihe kinini kugeza asoje ruhago


Nshimiyimana avuga kandi ko n’ubwo yarangije kwandika icyo gitabo amikoro yo kugisohora (Printing) ntayo afite, akaba asaba ko umuntu ufite ubushobozi yamutera inkunga kigasohoka.

Nshimiyimana Canisus yakinaga inyuma ku ruhande rw’iburyo aho yakiniye ikipe ya Mukura kuva muri 1998 kugeza muri 2010. Yanakiniye kandi ikipe y’igihugu Amavubi yagiye mu gikombe cy’Afurika bwa mbere.

Yanakiniye ikipe y’igihugu yagiye mu gikombe cya Afurika 2004,aha yambaye numero 7

Nyuma yo gusezera umupira w’amaguru muri 2010 yabaye umutoza wungirije muri Mukura, ubu akaba ari umutoza w’abana bato.

Tanga igitekerezo na Facebook

Tanga igitekerezo