Niyomusabye Aimé Emmanuel niwe muvugizi wa Rayon Sports

Yanditswe na Admin ku wa 08.10.2014 saa 13:07 | Yasuwe : 345

Mu nama ya komite nyobozi ya Rayon Sports yabaye ku wa kabiri taliki ya 07.10.2014  hemejwe ko  Niyomusabye Aimé Emmanuel agizwe umuvugizi wa Rayon Sports asimbuye Gakwaya Olivier.

Uwari umuvugizi w’iyi kipe y’i Nyanza Gakwaya Olivier yeguye nyuma yo guhabwa ibihano n’Ishyirahamwe ry’umupira w’amaguru mu Rwanda (FERWAFA).

Abinyujije ku rubuga rwa Facebook, Niyomusabye yavuze ko yishimiye kuba umuvugizi w’iyi kipe yemeza ko akunda kandi imuhora ku mutima.

Aime

Yagize ati “ Ndasaba abakunzi ba Rayon Sports mwese gutahiriza umugozi umwe tukubaka Gikundiro yacu.”

Gakwaya Olivier yari umunyamabanga n’umuvugizi wa Rayon Sports mu myaka itandatu yegura muri Gicurasi 2014 bikurikiye ibihano yahawe na FERWAFA ahoyahagaritswe imikino 8 n’ihazabu y’ibihumbi 200 by’amafaranga y’u Rwanda aregwa kugumura abafana abangisha ubuyobozi bw’iri shyirahamwe binyuze kuri radiyo.

Tanga igitekerezo na Facebook

Tanga igitekerezo