Nirisarike Salomon aritwara ate muri Saint Trond ?

Yanditswe na Admin ku wa 03.10.2014 saa 17:47 | Yasuwe : 2,476

Nyuma yo gusinya umwaka muri Saint – Trond n avuye muri Royal Antwerp FC amakipe yo  mu cyiciro cya kabiri mu Bubiligi, myugariro w’Amavubi Nirisarike Salomon amaze gukina umukino umwe muri icyenda ya shampiyona nabwo asimbuye.

Nirisarike wamaze imyaka ibiri akinira Royal Antwerp yarangije ku mwanya wa 7 muri shampiyona 2013-2014 avuye mu Rwanda yagiye muri Saint – Trond yari yarangije ari iya gatatu.

Mu mikino 9 ya shampiyona imaze gukinwa, Nirisarike yasimbuye ku w’umunsi wa 5 bakina na Oh Leuven [ya mbere ku rutonde] bayitsinda ibitego 3-2. Nirisarike yinjiye mu kibuga ku munota wa 69 asimbuye Dequevy.Uretse uyu mukino nta wundi Nirisarike aragaragara no mu bakinnyi 18 bashobora kujya mu kibuga.Ku Cyumweru gishize, Sint-Truiden yatsinzwe igitego 1-0 na Royal Antwelp, Nirisarike yakinagamo.

nirisalikesalomon

Ku rutonde rwa shampiyona, Saint – Trond  iri ku mwanya wa gatatu yatsinze imikino 5 n’amanota 17, Antwelp yavuyemo iri ku mwanya wa 13 yatsinze imikino 2 gusa n’amanota 8.

Mbere yo kuva muri Antwerp, Nirisarike wari usanzwe ari muri 11 babanzamo, yatangiye kubura mu kibuga ku munsi wa 25 agaruka ku munsi wa 32 asimbuye ku munota wa 69.

Kuva muri Gicurasi 2014, Umwongereza Stephen Constantine agizwe umutoza w’Amavubi, Nirisarike ntiyigeze yitabira ubutumire bw’ikipe y’igihugu yari mu majonjora y’igikombe cy’Afurika yitegura gukina na Libya, Congo Brazzaville n’umukino wa gicuti wa Gabon.

Ubwo yahamagarwaga ntiyitabe byavugwaga ko ari gushaka ikipe bityo ahabwa umwanya, mu gihe nyamara yari amaze agihe afatwa nk’inkingi muri ba myugariro b’Amavubi.

 

Tanga igitekerezo na Facebook

Tanga igitekerezo