Mukura : Ngendahimana Frodouald yashyinguwe ku wa Gatandatu

Nyakwigendera NGENDAHIMANA Frodouald wari umubitsi wa Mukura akaba  yari ashinzwe igenamigambi mu karere ka Huye yashyinguwe kuri uyu wa Gatandatu mu irimbi ry’i Ngoma.

forduald0Imodoka itwaye umurambo yahagurutse mu gitondo kuri CHUB

NGENDAHIMANA Frodouald yitabye Imana ku wa kane tariki ya 02 Ukwakira 2014 afite imyaka 42.Yaguye mu bitaro bya Kaminuza CHUB azize indwara ya Kanseri y’umwijima.

fordualdumufasha wa Nyakwigendera(Elisabeth) n’umwana Muto (Monia) bafashe ishusho ;Imfura ya Frodouald (Sandra) wambaye umukenyero

Uyu muhango warimo inshuti n’umuryango wa Nyakwigendera, abakoranye nawe muri COOPEC INZIRA, ubuyobozi bw’ Akarere ka Huye, umuryango wa Mukura Victory Sport et Loisir , ubuyobozi bw’ishyirahamwe ry’umupira w’amaguru mu Rwanda Ferwafa, n’abayobozi b’amakipe atandukanye y’umupira w’amaguru mu Rwanda .

forduald1i saa tatu  basezeye kuri Nyakwigendera mu i Rango.

I saa tatu nibwo inshuti n’abavandimwe bamusezeye mu i RANGO.
11h00 , inshuti, abavandimwe n ’umuryango bagiye mu Missa yo kumusezera kuri Kiliziya Mutagatifu Tereza(Ste Thérèse) ku i TABA.

Muri iyi Missa, hatanzwe ubuhamya ku buzima bwa NGENDAHIMANA Frodouald , bahereye ku nshuti babanye muri Kaminuza, abo bakoranye mu kazi yagiye akora.Nkuko byagarutsweho, uyu ni umugabo wakundaga Imana , ndetse agakunda abantu n’ikipe ya Mukura.

forduald2
forduald3Abakinnyi ba Mukura bifatanyije n’umuryango wa Frodouald

Umwana we w’imfura IGITEGO HIRWA Aimée Sandra yagarutse ku rukundo yagaragarizaga umuryango we ndetse n’ikipe ya Mukura. Sandra yagize ati :” Ndibuka ko Papa yakundaga kumbwira ngo Mukura nitsinda , araza kutugurira kandi yatsinda akatugurira.Papa ndagusezeranya ko nzusa ikivi watangiye”.Umufasha we yagarutse ku ubuzima bwo kwihangana umugabo we yagaragaje kugeza yitabye Imana.

forduald4Perezida wa Mukura ntazibagirwa ubwitange bwa Frodouald

Mu ijambo rya Perezida wa Mukura Nizeyimana Olivier, yasubiye ku kwitanga yagaragarije iyi kipe kugeza yitabye Imana. Olivier yagize ati :” nubwo yari arwaye, ntababeshye muri Groupe yacu dufatiramo ibyemezo , Frodouald yaduhaga ibitekerezo ntihashize ibyumweru bibiri.Yarahaniye ko tubona ubuzima gatozi , icyambabaje ni uko yapfuye ku munsi twabonyeho ubuzima gatozi”.

forduald5
Abakristu mu missa basabira Froduard

forduald6
Abafana Ba Mukura VS bashyingura uwahoze ari umubitsi wabo

forduald7
Ferwafa yari ihagarariwe n’umunyamabanga wayo , MULINDAHABI Olivier

forduald8
Rayon Sport FC yahagarariwe na Perezida NTAMPAKA na Vice Perezida Gakumba bashyira indabo ku mva

forduald9
Mayor wa Nyamagabe,Mugisha Philbert, akaba n’umuyobozi w’ Amagaju, nawe yashyize indabo kumva

NARUHUKIRE MU MAHORO

Photos : Mukura

Tanga igitekerezo na Facebook

Tanga igitekerezo