Ndoli na Regis baragera mu Rwanda kuri uyu wa kane

Yanditswe na Rwanda Football ku wa 15.12.2014 saa 19:04 | Yasuwe : 942
Ndoli Jean Claude umuzamu w’APR FC n’Amavubi na Ingabire Aimé-Regis umuzamu wa AS Kigali bagiye kubagwa muri Algeria bazagera mu Rwanda kuri uyu wa kane.

Hakizimana Moussa Umuvugizi w’ishyirahamwe ry’umupira w’amaguru mu Rwanda (FERWAFA), avuga ko aba bakinnyi bazaba bageze mu Rwanda tariki ya 18 Ukoboza 2014.

Yagize ati ” umuganga usanzwe ukurikirana aba bazamu ntituravugana neza ariko byari biteganyijwe ko bazaba bageze mu Rwanda kuri uyu wa kane”.

ndoliregis
Avuga ko kugeza ubu aba bakinnyi bameze neza igisigaye ni uko umuganga abemerera ko baza baga komeza gukirira mu Rwanda aho bahita batangira no gukora imyitozo yoroheje.

Aimé-Regis umuzamu wa AS Kigali avuga ko bameze neza ariko abataramenya umunsi bazaziraho kuko bari biteganyijwe ko mu mpera z’uku kwezi bazaba bageze i Kigali.

Yagize ati ” tumerewe neza kuko twabazwe ntakibazo namba twigeze tugira kandi abaganga baraduha ikizere cyo gukira vuba tukaba twatangira imyitozo”.

Avuga ko namara gukira yiteguye kuba yagaruka agafatanya ni kipe ye ya AS Kigali kuko yabashije ku mwitaho mu bihe yari yaravunitse.

Aba bazamu bamaze amazeti atatu baragiye kubagwa muri Algeria.

Tanga igitekerezo na Facebook

Tanga igitekerezo