Abazamu Ndoli na Ingabire barabazwe muri Algérie

Yanditswe na Admin ku wa 23.10.2014 saa 19:42 | Yasuwe : 2,668

Abakinnyi bakina mu izamu Ndoli Jean Claude na Ingabire Regis  bakomeje kwitabwaho mu gihugu cya Algeria aho muri iki cyumweru babazwe imvune z’ivi bagize mu mezi ashize.

Ndoli Jean Claude yabazwe ku wa gatatu naho Ingabire Regis abagwa ku wa kabiri. Aba bakinnyi bombi barimo gukurikiranwa mbere yuko bagaruka mu Rwanda.

Ndoli Jean Claude yavunikiye mu ikipe y’igihugu Amavubis ubwo yatsindirwaga i Pointe Noire mu gihugu cya Congo Brazzaville, mu mukino ubanza wo gushaka itike yo kwerekeza mu gikombe cy’Africa kizaba umwaka utaha mu kwezi kwa mbere.

ndolingabire

Ingabire Regis we  akaba yaravunikiye mu mikino ya CAF Confederation Cup, ubwo ikipe akinira ya AS Kigali yahuraga n’ikipe ya Difaa Hassan El Jadida muri 1/8 cy’irangiza.

Aba basore bagiye kuvurirwa mu gihugu cy’Algeria, ku bufatanye bwa FERWAFA n’ishyirahamwe ry’umupira w’amaguru muri iki gihugu (FAF).

Si bo bakinnyi ba mbere bagiye kuvurirwa muri Algeria, kuko Usengimana Faustin wa Rayon Sports, Nsabimana Eric bita Zidane na Farouk Ruhinda ba APR FC, kimwe na Itangishaka Ibrahim wa AS Kigali, bose bagiye muri Algeria kuvurirwayo kandi baragarutse ndetse Faustin Usengimana yatangiye gukina muri shampiyona.

Inkuru : Ferwafa

Tanga igitekerezo na Facebook

Tanga igitekerezo