Ndoli Jean Claude agiye kugaruka mu kibuga

Yanditswe na Admin ku wa 08.06.2015 saa 23:23 | Yasuwe : 498

Umunyezamu w’ikipe ya APR FC ndetse n’ikipe y’igihugu Amavubi, Ndoli Jean Claude wari umaze amezi arenga 10 adakandagira mu kibuga kubera imvune yagiriye mu mukino ubanza wahuje u Rwanda na Congo Brazaville muri Nyakanaga umwaka ushize, ashobora kugaragara mu mukino ikipe ye ya APR FC irahuramo na La Jeneusse kuri uyu wa kane ni mu mukino wa 1/16 w’igikombe cy’Amahoro.

Ndoli Jean Claude akimara kugira ikibazo cy’imvune Ferwafa ifatanije n’ishyirahamwe ry’umupira w’amaguru muri Algeria FAF, yaravuwe hamwe na mugenzi we Aime Regis Ingabire,umuzamu wa AS Kigali nawe wari wagize ikibazo cy’Imvune isa neza n’iya Ndoli,aba bombi bavuriwe muri Algeria.

Ferwafa yagiranye amasezerano y’ubufatanye nIshyirahamwe ry’umupira w’amaguru muri Algeria FAF muri Mutarama umwaka ushize, ayo masezerano avuga ko abakinnyi bazajya bagira imvune zikomeye bazajya bajyanwa muri iki gihugu bakavurwa n’inzobere zibishinzwe.

ndoliregis

Ndoli Jean Claude na Aime Regis Ingabire berekeje muri Algeria tariki ya 18 Ukwakira 2014 aho bagombaga kumara igihe kingana n’ukwezi kumwe bakurikiranwa n’abaganga b’inzobere bakora mu bitaro by’ishyirahamwe ry’umupira w’amaguru muri icyo gihugu.Aho agarukiye mu Rwanda Ndoli Jean Claude yakomeje kwitabwaho n’abaganga ari nako akora imyitozo yoroheje.

Nyuma y’aho abanyezamu ba APR Fc bombi,Kwizera Olivier na Ntaribi Steven bashobora kutagaragara mu mukino w’igikombe cy’amahoro kuko bafite imvune Ndoli Jean Claude ashobora kugaragara mu izamu nkuko iyi kipe iherutse kwegukana igikombe cya shampiyona ibitangaza.

Si Ndoli na Ingabire gusa bavuwe ku bufanye bwa FERWAFA n’ishyirahamwe ry’umupira w’amaguru muri Algeria kuko ari abandi bakinnyi b’abanyarwanda bavuwe aribo:Usengimana Faustin, Farouk Ruhinda, Ibrahim Itangishaka na Nsabimana Eric bakunze kwita Zidane.

Tanga igitekerezo na Facebook

Tanga igitekerezo