Ndatimana Robert yahagaritswe by’agateganyo na Rayon Sports

Yanditswe na Rwanda Football ku wa 12.05.2015 saa 10:09 | Yasuwe : 984

Ndatimana Robert usanzwe ukinira ikipe ya Rayon Sports mu kibuga hagati,nawe yahagaritswe n’ubuyobozi igihe kitazwi muri iyi kipe azira kubura mu myitozo nk’uko byagendekeye Sina Jerome mugenzi we bakinanaga.

Ndatimana Robert ugiye kurangiza amasezerano mu ikipe ya Rayon Sports kuri ubu amakuru aturuka i Nyanza aremeza ko uyu mukinnyi atakibarizwa muri aka karere nyuma y’uko ahawe ibaruwa imuhagarika.

Umuvugizi w’ikipe ya Rayon Sports, Aimee Niyomusabye yavuze ko uyu mukinnyi yahagaritswe igihe kitazwi azira gusiba imyitozo yasabwa ibisobanuro ntabitange. Yagize ati “Ndatimana yasibye akazi asabwe ibisobanuro atinda kubitanga, ni ko kumuhagarika igihe kitazwi.”

rayonndatimana1

Abajijwe niba Ndatimana na we agiye kwirukanwa nk’uko byagendekeye Sina Jerome, Umuvugizi wa Rayon yasubije ko we bitaragera ku bya Sina kuko we yari yasobanuye aho yari ari, ariko ntibanyurwe n’ibisobaruro Sina yatanze. Yagize ati “Ibya Sina biratandukanye kuko we yaduhaye ibisonuro, ariko ntitunyurwe na byo.”

Abajijwe niba bateganya kongerera amasezerano Robert Ndatimana yasubije ko bijyendanye n’amikoro y’ikipe  ibi bibazo afitanye n’ikipe nibirangira umutoza icyimwifuza bazamuvugisha.

Ndatimana ni umukinnyi wazamukiye mu ikipe y’Isonga aho yaje kuva mu mwaka wa shampiyona wa 2013/2014 yerekeza mu ikipe yambara ubururu n’umweru aho yasinye imyaka ibiri ubu iri kugana ku musozo.

Tanga igitekerezo na Facebook

Tanga igitekerezo