Mwiseneza Jamal azakinira nde ?

Yanditswe na Admin ku wa 23.07.2014 saa 15:06 | Yasuwe : 1,097

Umukinnyi Mwiseneza Jamal bita Petit Jimmy ari mu biganiro n’ikipe yarerewemo akanayikuriramo ya Rayon Sports ngo imwongerere amasezerano

Ibi biganiro n’ubuyobozi bw’ikipe ya Rayon Sports byabaye ejo hashize ku wa kabiri bikamara amasha atatu yose byarangiye impande zombi zitumvikanye kuko Jamal yasabaga ikipe ye miliyoni icyenda (9.000.000frw) zose, amafranga ubuyobozi bwa Rayon Sports bwatangaje ko butabona , bukaba butangaza ko Jamal akomeje kugorana

Mwiseneza Jama ku ruhande rwe yifuza ko Rayon Sports imuha miliyoni icyenda (9.000.000frw) ngo akomeze kuyikinira akaka n’umushahara w’ ibihumbi 400 (400.000frw)  ku kwezi. Ikipe ya Rayon Sports ikaba iri gutanga miiyoni umunani(8 000 000 Frw)  n’umushahara w’ibihumbi 300 (300.000frw).

djamal1

Amakuru yandi ari kuvuga ko Mwiseneza Jamal ashobora kuba ari mu biganiro n’ikipe ya APR FC ndetse bikaba bishoboka ko ari kimwe mu byatumye atinza ibi biganiro.

Abakunzi benshi ba Rayon Sports ariko bo bakibaza ukuntu umukinnyi wari usigaye ukina iminota 45  gusa yagurwa miliyoni icyenda zose

Bamwe mu bakurikiranira bya  hafi umupira wa hano mu Rwanda bemaza ko Jamal yaba ari kubiterwa nuko umwaka ushize ikipe ya Rayon Sports yaguze abakinnyi bahenze cyane (Kagere,Abuba,Faustin…) we ntibamwiteho nk’umwana w’ikipe kandi ayifatiye runini.Tubibutse ko  mwaka ushize wa shampiyona abafana ba Rayon Sports bafatanyije n’ikipe yabo gutanga miliyoni zirindwi (7.000.000frw) zo kugura myugariro Faustin Usengimana washakwaga cyane na APR FC.

ese aho bizakunda kuri Mwiseneza Jamal ?.

Tanga igitekerezo na Facebook

Tanga igitekerezo