Mukura VS yagiye kunganyiriza na Musanze FC ku kibuga cyayo

Yanditswe na Rwanda Football ku wa 30.01.2019 saa 19:31

Ikipe ya Musanze FC iri ku rutonde mu makipe ya nyuma muri Shampiyona y’u Rwanda,  yanganyije na Mukura FC iyigabanyiriza umuvuduko uyiganisha ku mwanya wa mbere ku rutonde rwa Shampiyona.

Ni mu mukino w’ikirarane wabereye kuri stade ubworoherane tariki 30 Mutarama 2019, aho amakipe yombi yagiye abona uburyo bwo gutsinda ariko kuboneza mu izamu bikanga.

N’ubwo amakipe yombi yanganyije 0-0, nyuma y’umukino abafana b’ikipe ya Musanze n’umutoza Ruremesha bagaragaje akanyamuneza, bamwe bavuga ko barokotse Mukura VS nyuma y’uko iyo kipe ya Mukura yahushije igitego cyari cyabazwe ku munota wa nyuma.

Musanze FC ihagamye Mukura VS

Ni umupira watewe na Romami hafi yo muri koruneri, Twizerimana Onesme ashyira ku mutwe umupira ukomeye, Ndayisaba Olivier umunyezamu wa Musanze witwaye neza muri uwo mukino, akuramo umupira mu gihe abafana n’abakinnyi ba Mukura bari barangije kwishimira igitego.

N’ubwo uwo munyezamu yarokoye ikipe ye, Wilonja Ismael umunyezamu wa Mukura VC na we ntiyoroheye ba Rutahizamu ba Musanze FC barimo Pekeyake, Mbonyingabo Regis na Kaburuta nyuma yo kugirirwa icyizere n’umutoza Haringingo Francis wari wicaje Rwabugiri Omar.

Umutoza wa Mukura VS Haringingo Francis yatangaje ko yakinnye neza ariko akabura amahirwe. Ngo yababajwe n’igitego cyakuwemo n’umunyezamu wa Musanze ku munota wa nyuma. Uwo mutoza avuga ko imikino ibiri y’ibirarane agiye kuyitegura neza akayitsinda, akagera ku manota 36 ahesha ikipe ye kunganya na APR FC ifite amanota 36 mu gihe Rayon Sports ifite amanota 32.

Urutonde :

Pos   Team Pld W T L GoalsDiff Pts
1 APR FC 23 17 3 3 35 - 9+26 54
2 Rayon Sports 23 16 3 4 32 - 11+21 51
3 Mukura VS 23 14 6 3 28 - 15+13 48
4 Kiyovu Sports 23 11 5 7 26 - 15+11 38
5 Police FC 23 11 4 8 33 - 26+7 37
6 Espoir FC 23 9 4 10 26 - 30-4 31
7 Sunrise FC 23 8 6 9 24 - 25-1 30
8 As Kigali 22 7 8 7 28 - 20+8 29
9 As Muhanga 23 7 8 8 33 - 29+4 29
10 Marines FC 23 7 8 8 19 - 190 29
11 Musanze FC 23 7 5 11 19 - 28-9 26
12 Etincelles FC 23 7 3 13 21 - 27-6 24
13 Bugesera FC 22 5 9 8 20 - 29-9 24
14 Gicumbi FC 23 6 5 12 14 - 35-21 23
15 Kirehe FC 23 3 8 12 11 - 29-18 17
16 Amagaju FC 23 4 3 16 17 - 39-22 15

 

Tanga igitekerezo