Mukura isigaje kugura abakinnyi 2 gusa

Yanditswe na Admin ku wa 14.07.2014 saa 13:25 | Yasuwe : 836

Ikipe ya Mukura Victory Sports mu rwego  rwo kwitegura shampiyona no kwiyubaka iratangaza ko isigaje kugura abakinnyi  ku mwanya wa ba rutahizamu .

Ntakirutimana Emmanuel umunyamabanga mukuru wa Mukura Victory Sports yatangaje ko basigaje kugura abakinnyi babiri gusa kugira ngo babe bakemuye icyo kibazo.

Emmanuel yagize ati “hari abakinnyi twamaze kugura bamwe na bamwe, ariko hari n’abo tugikeneye, cyane ba rutahizamu 2, ubu nibo dukeneye cyane”.Akomeza avuga ko bazabongera ku bandi bari basanganywe mu ikipe yabo kugira ngo bakomeze kwiyubaka no mu rwego rwo kuba baba bafite ikipe ikomeye mu gihe kiri imbere.

Ntakirutimana                    Ntakirutimana Emmanuel umunyamabanga mukuru wa Mukura Victory Sports

Mukura yamaze kugura abakinnyi bakurikira : Habimana Hussein, Hakizimana Muhadjili na Ndayishimiye Célestin bita Evra bahoze muri Kiyovu Sports, Kwizera Yves wakiniraga ikipe ya Rayon Sports, Nshimiyimana Jean Claude wavuye muri Musanze FC, Zagabe Jean Claude, Ndanda, Gakuru Jean Claude bavuye muri Espérance. Hussein Habimana, Celestin Ndayishimiye, Mhadjili Hakizimana, Kiyovu na Yves Kwizera Rayon Sports bahawe amasezerano y’imyaka 2 ishobora kongerwa ari abakinnyi b’iyo kipe.

Kayiranga Jean Baptiste umutoza wa Mukura we avuga ko abakinnyi agikeneye mu ikipe ye bazamufasha kwitwara neza mu gihe kiri imbere. Muri iyi kipe ya Mukura bafite gahunda yo gusezerera abakinnyi benshi mu rwego rwo gushaka abandi bafasha iyo kipe kwitwara neza muri shampiyona yo mu mwaka utaha.

Kayiranga umutoza wa Mukura yagiye muri iyo kipe avuye muri Gicumbi FC, akaba akomeje gushaka abakinnyi bazamufasha kwitwara neza.

Ikipe ya Mukura yarangije shampiyona yo mu mwaka ushize iri ku mwanya wa 8.

Tanga igitekerezo na Facebook

Tanga igitekerezo