Mukura irateganya gukoresha miliyoni 150 muri uyu mwaka

Yanditswe na Admin ku wa 31.07.2015 saa 05:30 | Yasuwe : 561

Inama y’inteko rusange y’umuryango wa Mukura Victory Sports et Loisirs, yabaye kuri iki cyumweru taliki 26 Nyakanga 2015, yemeje ko Mukura VS izakoresha ingengo y’imari ya miliyoni 150 z’amafaranga y’u Rwanda mu mwaka utaha.

Nk’uko byagaragajwe n’umunyamabanga wa Mukura VS, Ntakirutimana Emmanuel, miliyoni 98 n’ibihumbi 300 (98,300,000frw) ni yo azinjira aturutse mu bafatanyabikorwa ba Mukura aribo : Akarere ka Huye gatanga miliyoni 72(72,000,000frw),Volcano Express itanga miliyoni 16 n’ibihumbi100 (16,100,000frw) mu gihe abakunzi bazishakamo miliyoni 3 n’ibihumbi 200 (3,200,000frw).

inamamukura

Ugereranyije n’amafaranga azinjira n’ateganyijwe gukoreshwa , bigaragara ko habura amafaranga miliyoni 52 n’ibihumbi 677 (52,677,000).

Ubuyobozi bwa Mukura, buvuga ko amafarnga asigaye angana na miliyoni 52,677,315frw azaboneka mu gihe abanyamuryango ba Mukura bazayiba hafi ndetse n’ibyinjiye ku kibuga bikiyongera nyuma yo kujya kuri Sitade nshya ya Huye.

Mu bijyanye n’umwaka ushize, Mukura VS yakoresheje miliyoni 110 n’ibihumbi 91(110,910,000frw)

Tanga igitekerezo na Facebook

Tanga igitekerezo