Muhire Kevin yasinyiye Misr Lel Makasa imyaka itatu

Yanditswe na Rwanda Football ku wa 22.01.2019 saa 00:02

Umukinnyi wo hagati wari usanzwe ukinira ikipe ya Rayon Sports Muhire Kevin,yamaze gusinya mu ikipe ya Misr Lel Makasa yo mu Misiri.

Muhire Kevin mu mwambaro w’ikipe ye nshya

Ni nyuma y’amezi abiri ari mu gihugu cya Misiri aho yabanje gukora igeragezwa muri iyi kipe yo mu cyiciro cya mbere, nyuma yo kuritsinda akaba yamaze no gusinya.

Muhire Kevin wari umaze iminsi yaramenyeshejwe ko yatsinze igeragezwa, yari yaratinze gusinya kuko iyi kipe yari itararangiza kwishyura ikipe ya Rayon Sports yari asanzwe afitiye amasezerano.

Muhire Kevin ari kumwe n’abamufashije kubona ikipe

Ikipe ya Misr Lel Makasa iri ku mwanya wa gatatu muri shampiyona y’icyiciro cya mbere, yaguze Muhire Kevin amafaranga asanga Miliyoni 25 Frw.

Tanga igitekerezo