Mugheni Kakhule Fabrice yahagaritswe anakatwa umushahara muri Rayon Sports

Umukinnyi Mugheni Fabrice yamaze guhagarikwa icyumweru muri Rayon Sports, anakatwa umushahara nyuma yo kugaragaza imyitwarire mibi muri iyi kipe

Nyuma y’aho ikipe ya Rayon Sports iviriye muri Nigeria, yahise itangira imyitozo kuri Stade Amahoro kuri uyu wa Kabiri, gusa si ko abakinnyi bose b’iyi kipe babashije gukora imyitozo.

Mugheni Fabrice wamaze guhagarikwa icyumweru adakorana n’abandi imyitozo
Bagisoza imyitozo, Umutoza Masudi Juma abajijwe impamvu bamwe mu bakinnyi batari kugaragara mu myitozo barimo Munezero Fiston, Moussa Camara, ndetse na Mugheni Fabrice, yatangaje ko  ko Camara na Fiston bafite utubazo tw’imvube ariko tworoheje, gusa adutangariza ko Mugheni Fabrice we bamuhaye igihano cyo kumara icyumweru Atari kumwe na bagenzi, azira kuba yaragaragaje imyitwarire mibi mu ikipe.

Yagize ati : “Mugheni twamuhannye icyumweru kimwe, azongera gutangirana imyitozo n’abandi ku wa Gatatu, tukazanamukata amafaranga, ntabwo twakwemera indiscipline muri Rayon Sports, umuntu akoze ikosa nk’iryo ukamureka n’undi ejo yazabikora, niba adafite ikinyabupfura nk’icy’abandi ntabwo twabireka gutyo

N’ubwo umutoza Masudi Juma atigeze atangaza imyitwarire mibi uyu mukinnyi yagaragaje iyo ariyo, amakuru  aravuga ko Mugheni Fabrice yaba yaratutse umutoza Lomami Marcel.

Uyu mukinnyi we ariko ibi yabihakanye abinyujije ku rubuga rwa Facebook :

Biteganyijwe ko uyu mukinnyi ataza kugaragara mu mukino uza guhuza Rayon Sports na Rugende Fc mu gikombe cy’Amahoro kuri uyu wa gatatu, ndetse ntazanagaragara mu mukino iyi kipe izakina na Rivers United yo muri Nigeria n’ubwo ubusanzwe yari afite amakarita y’umuhondo
Tanga igitekerezo na Facebook

Tanga igitekerezo