Mu isuzuma rya kabiri,umutoza Hey nta muzamu yahamagayemo-Urutonde

Yanditswe na Admin ku wa 10.05.2017 saa 18:18 | Yasuwe : 53

Umutoza w’Amavubi, Antoine Hey yashyize hanze urutonde rw’abakinnyi 31 bazitabira isuzuma rya kabiri nyuma y’iryo baheruka gukora ku itariki 4 Gicurasi 2017.

Ku nshuro ya mbere hari hahamagawe abakinnyi 41 harimo n’abanyezamu. Ku rutonde rwashyizwe hanze n’umutoza Hey, nta nyezamu n’umwe ugaragaramo.

Mu bakinnyi batagarutse muri uru rutonde harimo Rugwiro Herve wa APR FC, Munezero Fiston, Muhire Kevin ba Rayon Sports, Hakizimana Yussuf wa Musanze FC, Murengezi Rodriguez na Ndahinduka Michel ba AS Kigali.

Isuzuma rya kabiri rizaba ku itariki 24 Gicurasi 2014. Abakinnyi 31 bongeye guhamagarwa bazakorera isuzuma kuri Stade Amahoro. Bukeye bwaho nibwo umutoza azahamagara urutonde rw’agateganyo rw’ikipe y’Amavubi igomba kuzakina umukino na Central Africa mu gushakisha itike y’igikombe cya Afurika kizakinwa muri 2019.

U Rwanda ruri mu itsinda H aho ruri kumwe n’igihugu cya Cote D’Ivoire, Guinea na Central Africa. Umukino uzahuza u Rwanda na Central Africa uteganyijwe hagati y’itariki 5-13 Kamena 2017. Indi mikino iteganyijwe muri Werurwe 2018 kugeza muri kwezi k’Ugushyingo 2018.

Amakipe azaba aya mbere muri buri tsinda, aziyongera kuyandi 3 yitwaye neza mu matsinda, yose ahurire muri Cameroon izakira iki gikombe.

Abakinnyi bongeye guhamagarwa:

APR FC: Rusheshangonga Michel, Imanishimwe Emmanuel, Usengimana Faustin, Nsabimana Aimable, Mukunzi Yannick, Hakizimana Muhadjiri, Bizimana Djihad, Nkizingabo Fiston, Sibomana Patrick na Nshimiyimana Amran

Rayon Sports: Manzi Thierry, Nshuti Dominique Savio, Niyonzima Olivier na Manishimwe Djabel

Police Fc: Mpozembizi Mohamed, Ngendahimana Eric, Mico Justin, Muvandimwe Jean Marie Vianney na Usengimana Dany

Mukura VS: Niyonzima Ally na Habimana Yussuf

Bugesera Fc: Rucogoza Aimable, Iradukunda Bertrand na Nzabanita David

AS Kigali: Kayumba Soter, Bishira Latif, Mubumbyi Barnabe and Iradukunda Eric

Musanze Fc: Niyonkuru Ramadhan

Pepiniere Fc: Mugisha Gilbert

Espoir Fc: Mbogo Ally

Tanga igitekerezo na Facebook

Tanga igitekerezo